حدث خطير في مصر النهاردة.. الكويت تقلب موازين الاقتصاد المصري

ياترى ايه اللي حصل في مصر النهاردة وإيه أهداف زيارة امير الكويت لمصر.. وإيه قصة الاستثمارات الكويتية الجديدة وإزاي الكويت هتقفز بالعلاقات الاقتصادية مع لمستويات جديدة.. تعالو نشوف مع بعض الحكاية

النهاردة مصر استقبلت ضيف عزيز جدا على الشعب المصري وهو أمير الكويت الشيخ مشعل الأحمد الجابر الصباح واللي بيزور مصر لأول مرة بعد توليه منصبه امير للبلاد وطبعا مش محتاجين نتكلم عن العلاقات المصرية الكويتية واللي بتعتبر من نموذج في العلاقات العربية ودا لأن البلدين كانو سند لبعض في وقت الشدة والكويت كانت من بين دول الخليج اللي وقفت مع مصر في الأيام الصعبة.. وقبل ما نتكلم عن اللي هيحصل بعد الزيارة خلونا نشوف بعض الأرقام اللي هتورينا قد ايه العلاقات الاقتصادية بين البلدين كبيرة ومهمة.. شوف ياسيدي مصر والكويت بينهم 105 اتفاقيات تعاون ومذكرة تفاهم في المجالات السياسية والاقتصادية وحجم التبادل التجاري المشترك بين البلدين حوالي 3 مليار دولار في السنة  والاستثمارات الكويتية في مصر تقريبا وصلت 15 مليار دولار مقابل 1.1 مليار استثمارات مصرية.
زكمان الكويت هي تالت أكبر شريك تجاري لمصر بين الدول العربية بعد الإمارات والسعودية وفي المركز الخامس بقائمة أهم الدول المستثمرة في مصر بحسب البيانات الرسمية وكمان عدد المشروعات الاستثمارية المشتركة بين البلدين وصل لحوالي 1305 مشروع بحجم استثمارات أكتر من 4 مليار دولار تتوزع بين استثمارات في القطاع المالي والنفط والقطاع الصناعي والزراعة والتجارة.
وتجاوز حجم استثمارات القطاع الخاص الكويتي في مصر 10 مليار دولار في مجالات السياحة والتمويل والصناعة والعقارات والزراعة والاتصالات وتكنولوجيا المعلومات والخدمات وبلغ عدد الشركات الكويتية العاملة في مصر تقريبا 1337 شركة بحسب البيانات الرسمية لسنة 2021.
وبلغ عدد القروض التي قدمها الصندوق الكويتي للتنمية الاقتصادية مع مصر 54 قرضا بقيمة 3.75 مليار دولار وده غير المنح الخاصة، دا غير إنه فيه حوالي 640 ألف عامل مصري في الكويت حجم تحويلاتهم المالية وصل 4 مليار دولار في السنة ، مقابل زيارة حوالي 160 ألف سائح كويتي لمصر سنويا.
دي لغة الأرقام الحالية بين مصر والكويت .. طيب واللي جاي ايه بقي.. شوف حضرتك أمير الكويت مش هيجي مصر عشان يسلم ويروح بلده لكن جاي ومعاه ملفات مهمة جدا للتعاون مع مصر خاصة في الملف الاقتصادي والاستثماري والمعلومات بتقول إن الزياة هيكون فيها اتفاقيات ضخمة اقتصادية خاصة بالاستثمارات الكويتية الجديدة في مصر والمشروعات المطروحة على الشركات الكويتية في مصر وإنه هيكون فيه طفرة من النوع التقيل في الاستثمارات الكويتية في مصر خلال الشهور الجاية وإن الشركات الكوييتية هتدخل بتقلها في السوق المصري خاصة في مجال العقارات والخدمات المالية والصناعة وغيرها وكل ده هنعرفه بالتفصيل في الأيام الجاية.