المقاطعة جابت نتيجة.. أسعار اللحمة هتنزل في التوقيت ده

القرار الشعبي او الجماهيري دايما مسموح وله صدي وله نتائج، وده اللي حصل في حملات المقاطعة اللي عملها الشعب المصري وكانت بدايتها علي الاسماك في محافظة الإسماعيلية وانتقلت منها لاغلب المحافظات.. وحاليا جه الدور علي الفراخ واللحمة.. يا تري هل حملات المقاطعة عملت حاجة في اسعار اللحوم والفراخ والاسعار وصلت لكام دلوقتي .

حكومة وقالوها زمان، الحاجة اللي تغلي عليك استغني عنها، وده اللي عمله الشعب المصري حاليا خصوصا مع السلع والمواد الغذائية اللي سعرها غلي عن اللزوم خصوصا ان مفيش حاجة بتدخل فيها مكون دولاري، وكانت البداية من حملات لمقاطعة الاسماك ومن محافظة الإسماعيلية وفعلا الحملة حققت نجاح ونجاح كتير جدا كمان والاسعار انخفضت هناك لاكثر من 50%، خصوصا ان المقاطعة دي عملت خساير كبيرة للتجار، وفي كميات كبيرة من الاسماك التجار اضطروا انهم يدفنوها بعد ما باظت وعفنت .
النجاح اللي حققته حملات مقاطعة الاسماك مقفش علي محافظة الاسماعيلية بس وحاليا انتقل لاغلب محافظات الجمهورية وموقفش كمان علي السمك بس، ده حاليا دخل وبشكل كبير علي اللحمة والفراخ وفي حملات كبيرة علي مواقع التواصل الإجتماعي والسويشال ميديا بمقاطعة اللحوم والاسماك والفراخ لمدة شهر مثلا او لحد ما اسعارهم تنزل وتكون في المعقول خصوصا ان اسعار الاعلاف واللي كانوا التجار بيرحموا اي زيادة في الاسعار عليها نزلت وبنسبة كبيرة كمان عن الاسعار اللي كانت موجودة من شهور فاتت، يعني مفيش داعي ان الاسعار تكون لسه رافعة وبالشكل ده.
اغلب تجار الفراخ واللحمة اول ما سمعوا او بيدوا يحسوا ان فيه احجام من المواطنين في شراء اللحوم والفراخ بدوا ينزولوا في الاسعار وفي اماكن كتيرة الاسعار انخفضت فيها وبنسب معقول ولسه الانخفاض مكمل معانا وكل ما المقاطعة كتيرت كل ما الاسعار هتنزل اكتر واكتر.
طيب اسعار اللحوم والفراخ وصلت لكام النهاردة؟.

هيثم عبد الباسط، رئيس شعبة القصابين قال، أن في احجام كبير من المواطنين علي شراء وتناول اللحوم في الفترة الاخيرة خصوصا ان كل الناس مش معاها الفلوس اللي يقدوا يشتروا بيها اللجحوم خصوصا ان سعر الكيلو داخل علي 500 جنيه في بعض الأماكن، وبالتالي فئات معينة هيا اللي بتشتري لحمة بس غير السمك والفراخ.
رئيس شعبة القصابين كمل كلامه وقال أن اسعار اللحوم والفراخ حصل في تراجع وبشكل كبير في الايام اللي فاتت، وحتي قبل حملات المقاطعة، وحاليا اسعار اللحوم استقرت من 400 إلى 450 جنيه  للكيلو للإنتاج المحلي من اللحوم، واللحوم السوداني هيا ارخص لحوم موجودة في السوق والكيلو فيها بيبدأ من 285 جنيه.

هيثم عبد الباسط، قال كمان، أنه لو حصلت حملات مقاطعة، فاسعار اللحوم هتنخفض من 20 إلى 30%، وهيكون التأثير الأكبر على كبار المربين خصوصا ان وجود العجوم اللازمة للدبح عندهم في المزراع لفترات طويلة بيكلفهم فلوس زيادة للعلف والتسمين وغيرها من لوازم تربية الابقار والعجول.