زيادة جديدة في مرتبات موظفي الحكومة.. أعرف كام وهتتطبق امتى؟

شهر مايو اللي جاي هيكون شهر لناس كتيرة جدا خصوصا الناس اللي شغالين في القطاع الخاص وهيكون فيه مفاجاة مهمة وسعيدة جدا لهم.. يا تري اية اللي هيحصل في شهر مايو.. واية هو الخبر السعيد اللي شغالين في القطاع الخاص منتظيرينه

اغلب القرارات الوزارية بتخص العاملين في الحكومة والجهاز الإداري للدولة، وانما في شهر مايو اللي جاي العاملين كمان في القطاع الخاص هيبدوا يحسوا بالقرارات اللي اخذتها الحكومة والاصلاحات الاقتصادية اللي عملتها الدولة، خصوصا في الجزء الخاص بتطبيق الحد الأدني للاجور خصوصا ان المجلس القومي للأجور هيبدأ من شهر مايو الزام المنشات الخاصة والقطاع الخاص تطبيق الحد الأدني للأجور علي العاملين معاهم والحد الأدني للاجور هيبدأ من 6000 جنيه .
طيب القرار ده هيطبق ازاي، واية العقوبات اللي هيقرها المجلس القومي للأجور علي الشركات والمنشات اللي همتنع عن التطبيق ؟.
المجلس القومي للأجور، حدد في الإجتماع اللي عقده في 7 أبريل الحالي رفع الحد الأدنى للأجور للعاملين بالقطاع الخاص لـ 6000 جنية ويكون التطبيق من مرتبات شهر مايو اللي جاي.

وزارة العمل اصدرت كتابًا دوري برقم 10 سنة 2024 واللي تضمن توجيهات مشددة لمديري مديريات العمل بالمحافظات ومفتشي وزارة العمل، وتكليفهم بمتابعة تنفيذ منشآت القطاع الخاص، لقرار المجلس القومي للأجور وتطبيقه على المنشآت الرسمية بداية من مرتبات شهر مايو اللي جاي .
الكتاب الدوري لوزارة العمل أكد علي ضرورة منح العاملين مرتباتهم الشهرية بالزيادة الجديدة ورفع الحد الأدنى للأجور لـ 6 آلاف جنيه، وانه هيتم تطبيق الإجراءات والعقوبات الي نص عليها مواد قانون العمل رقم 12 لسنة 2003، واعتبار المنشآت المخالفة لتنفيذ القرار ممتنعة عن صرف المرتبات للعاملين.
قرار وزارة العمل استثني شوية شركات ومنشات قطاع خاص من تطبيق الحد الأدني للاجور وهي المنشأت المتعثرة بشرط اني الشركات دي تتقدم بطلب للإعفاء هيتم دراسته من المجلس القومي للأجور والرد بالموافقة عليه او الرفض وده هيكون بشرط أن يكون عدد الناس اللي شغالين في الشركات دي ميزدتش عن 10 عمال.
طيب اية سبب الزيادة الجديدة دي في مرتبات العاملين في القطاع الخاص؟.
الزيادة الجديدة دي في مرتبات العاملين بالقطاع الخاص هتكون بسبب ضمن القرارات الاخيرة للرئيس عبدالفتاح السيسي واللي وجه باعداد اكبر حزمة للرعايا الإجتماعية واللي وصلت لـ 180 مليار جنيه وهيسفيد من حزمة الحماية الاجتماعية أكثر من 20 مليون مواطن، وهيوصل الحد الأدنى للأجور إلى 6 آلاف جنيه بزيادة هتوصل 50%، ده غير انها تضمنت مجموعة من الحوافز والزيادات للموظفين وأصحاب المعاشات وبرنامج تكافل كرامة، ودي هتكون الزيادة السادسة على التوالى خصوصا ان الحد الأدنى للأجور كان 1200 جنيها بس لحد شهر مارس 2019، ووجه الرئيس السيسي بزيادة الأجور ووصل الحد الأدني للأجور لـ 2000 جنيه بزيادة 66% اتحملتها الموازنة العامة للدولة، وبعدها وجه الرئيس برضوا بزيادة تانية فى الأجور علشان توصل لـ 2400 جنيه في شهر مارس 2021 وبعدين اقرت زيادة جديدة في الأجور ووصل الحد الادني للاجور لـ2700 جنيه لأول مرة فى تاريخ مصر في يناير 2022 ، وكمان الرئيس وجه بزيادة الاجور مرة رابعة في مارس 2023 ووصل الحد الأدني لـ 3500 جنيه واخيرا في فبراير2024 وجه الرئيس بزيادة الحد الادني للأجور بنسبة 50% علشان يكون الحد الادني للأجور يبدا من 6 الاف جنيه .