لو عاوز تعرف أسعار السجاير غليت ليه ؟.. اقرأ هذا التقرير

 
السنة دي اسعار السجاير رفعت مرتين، واسعارها بقت عب علي الناس اللي بتدخن خصوصا ان السجاير في الوقت الحالي عايزة ميزانية لوحدها.. يا تري اية اسباب ارتفاع اسعار السجاير.. واسعارها دلوقتي وصلت لكام
 
السجاير واحدة من السلع المهمة لفئة كبيرة من جمهور المدخنيين واللي مش ممكن باي حل من الأحوال يقدروا يستنغنوا عنها، ومع بداية سنة 2024 الشركات المنتجة للسجاير رفعت اسعارها بشكل مفاجئ، وفي شهر ابريل الجاري الشركات برضوا قررت رفع اسعارها بسبب ارتفاع اسعار الحاجات اللي بتدخل في تصنيعها.
طيب احنا عندنا كام مدخن في مصر؟.
التقديرات الأولية بتأكد أن حجم استهلاك المصريين من السجائر بيتراوح بين 90 و95 مليار سجارة سنويا، بمتوسط 7.5 مليار سيجارة شهريا، وان مصر بتضم 18 مليون مدخن بيمثلو 16.8% من إجمالي السكان فوق 15 سنة، والاحصائية الأخيرة للجهاز المركزي للتعبئة العامة والإحصاء، أكد أن متوسط نصيب الأسرة المصرية من الإنفاق السنوي على التدخين بيوصل لـ 2665.4 جنيه.
الاحصائيات اكدت برضوا أن نسبة المدخنين من الذكور بتوصل لـ 33.8%، مقابل 0.3% بس بين الإناث من أجمالي أعداد المواطنين في مصر، ونسبة الأسر اللي فيها فرد مدخن في مصر بتوصل لـ 39.6%، وأن في 34 مليون فرد من اجمالي التعداد السكاني في مصر غير مدخنين، وان أعلى نسبة مدخنين في مصر موجودة في الفئة العمرية بين 35 الي 45 سنة ودول بيمثلوا نسبة22.1%، وبعدها الفئة العمرية من 45 الي 54 سنة ودول بيمثلوا نسبة 21.6% من فئة المدخنيين، واخيرا النسبة للفئة العمرية من 25الي 34 سنة، ودول نسبتهم 19.9%.
طيب اية هيا اسباب قرار الدولة برفع اسعار السجاير في الاسواق؟.
الدولة بتستهدف تحقيق ضرائب من قطاع الدخان بقيمة 95 مليار و624 مليون جنيه في الفترة من دلوقتي ولحد نهاية يوليو 2025، وان الدولة كانت مستهدفة تحقيق 88 مليار و499 مليون جنية في موزانة 2024/2023، وحققت الدولة نسبة 85 مليار و99 مليون جنيه في الموازنة العامة للدولة، وفي سنة 2022-2023، الدولة استهدفت تحقيق مستحقات ضريبية من قطاع السجائر والدخان بقيمة  81 مليار و781 مليون جنيه، والمستهدف موازنة 2021-2022 تحقيق 74 مليار و944 مليون جنية .

طيب اسعار السجاير بعد الزيادة وصلت لكام؟.
الشركات المنتجة للسجاير اعلنت عن الاسعار الجديدة لجيمع الانواع اللي بتنتجها ووصل سعر علبه السجائر إل إم أحمر لـ 73 جنيهًا، وسعر سجائر إل إم أزرق لـ70 جنيه وسعر سجائر وينستون أحمر لـ 55 جنيهً، وسعر سجائر وينستون أزرق لـ 55 جنيهًا بلغ سعر سجائر إتش بي أحمر نحو 30 جنيهً، وسعر سجائر إتش بي أزرق لـ 30 جنيهً، وسعر سجائر ميريت وصل لـ 100 جنيه، وسعر سجائر مارلبورو وصل لـ 90 جنيهًا، وسعر سجائر بوكس وصل لـ 45 جنيهًا، وسعر سجائر كليوباترا وصل 45 جنيهًا برضوا.