المقاطعة ترند مصر وتفاصيل ليلة السقوط الكبير للدهب والدولار.. ومفاجأة في نص مايو اللي جاي

إيه اللي حصل في الايام اللي فاتت في الاسواق والبنوك والدولار والدهب.. وإيه اهم التوقعات عن اللي لسه هيحصل في مصر.. خليكم معانا وهفكركم بالتفاصيل

أول الحكاية مع ترند مصر كلها الايام اللي فاتت وهي حملة المقاطعة الشعبية لتجار السمك واللحوم في بورسعيد لمواجهة جشع التجار وارتفاع الاسعار المبالغ فيه.. والحقيقة الحملة نجحت بشكل كبير وبدأت تنتقل لاماكن ومحافظات تانية زي القاهرة والجيزة ودا غير إنها انتشرت بشكل كبير جدا في السوشيال ميديا

وقال بانكير إن الناس  في بورسعيد قرررت تقاطع تجار الاسماك واللحوم الجشعين واللي رفعوا الأسعار بشكل مبالغ فيه جدا وبدون مبرر قوي ورغم حالة الانخفاض في سوق الأعلاف ونزول سعر الدولار رغم إن تجار السمك تحديدا ملهمش علاقة قوية بأزمة الدولار أصلا..
والحملة رفعت شعار "قاطع خليك إيجابي وخليها تعفن" ونجحت بشكل كبير جدا وانتشرت دعوات المقاطعة زي النار في الهشيم من خلال مواقع التواصل الاجتماعي وغصب عنهم التجار نزلو الاسعار في كل أنواع السمك ووصلت نسبة التخفيض بعدها الى 75 في المية .
ليه الناس قررت تقاطع تجار السمك تحديدا.. الاجابة ببساطة إن التجار تجاوز الحدود في رفع الاسعار لتحقيق مكاسب طالما الناس كده كده بتشتري وتجاوز سعر كيلو السمك 250 جنيهًا وسعر كيلو الجمبري وصل إلى 1000 جنيه، وسعر كيلو الفسيخ وصل 500 جنيه. و

ـــــــــــــ
من بورسعيد هنروح للبحر المتوسط وحقيقة اللي حصل في حقل ظهر 
وسلط بانكير الضوء على كمية الاشاعات اللي بتنتشر في مصر بشكل يومي على مواقع التواصل الاجتماعي وفبركة الأخبار زي اللي حصل اليومين اللي فاتوا في حقل ظهر للغاز الطبيعي

و حقل ظهر تم اكتشافه في ديسمبر 2017 وينتج من 6 سنين، والإنتاج وصل إلى 5 تريليونات قدم مكعب و9 ملايين برميل متكثف، وفي عالم حقول الغاز وده مش سر بنكشفه لكن ده الطبيعي إن فيه هناك ظاهرة في كل الحقول وهي معروفة وعالمية وهي التناقص الطبيعي للآبار المكتشفة والمتوسط في الغاز بنسبة 15% سنويًا .

المتحدث باسم وزارة البترول والثروة المعدنية قال ان حقل غاز ظهر بينتج حوالي 2 مليار متر مكعب من الغاز في اليوم  وإن الحكومة شغالة على حفر آبار غاز تحقق قفزة تنموية جديدة للاقتصاد المصري، وإن الرقم الاحتياطي اللي تم إعلانه مش ثابت لكن لازم يكون هناك آبار تنموية في المنطقة المنتجة.

نيجي بقي  للي هيحصل بعد 25 مايو ونصيحة رئيس اتحاد الغرف التجارية لما قال محدش يشتري أجهزة كهربائية دلوقتي ولا يخزن أي سلع لأن الفترة الجاية هتشهد انخفاضات كبيرة وان ده هيحصل خلال شهر من دلوقتي بحد أقصى .. المسئول وضح كلامه وقال ان عمليات الافراج عن البضايع فى الموانئء المصرية بتزيد بشكل ملحوظ وخلال ايام قليلة هيكون تم الافراج عن كافة السلع المحجوزة فى الموانئ بسبب ازمة نقص العملة الأجنبية وأكد ان المصانع هتستلم المواد الخام وهتبدأ تعيد تسعير المنتجات وفقا للأسعار الجديدة.

وقال كمان إنه فى الأيام اللى فاتت حصل انخفاض في أسعار السلع الأساسية بنسبة تجاوزت 27% وتم عمل خفض إضافي 14% خاص بأسعار الزيت، والسلاسل التجارية الكبيرة بدأت في خفض السعر وده أدى إلى خفض الأسعار في محال البقالة والتجزئة

على مدار الاسبوع قدم بانكير تحليلات بخصوص الاستثمارات الجديدة المنتظرة في مصر ومنها مشروع ضخم جديد بين مصر والإمارات بعد صفقة رأس الحكمة

وقلنا إن فيه مباحثات بين الحكومة المصرية والإمارات دلوقتي  لتوقيع اتفاق مبدئي بين الحكومة وإمارة الفجيرة وشركة بروج للاستثمارات والغاز لإقامة منطقة حرة متخصصة في إنتاج وتخزين وتداول النفط ومشتقاته... زي ما سمعت كده منطقة حرة للبترول.

وقالت الإمارات إن الاتفاق هيساهم في تعزيز العلاقات في مجال النفط والغاز وتنفيذ مشروعات البنية التحتية والخدمية في قطاع البترول في مصر، بما فيها إنتاج وتخزين وتداول واستيراد وتصدير وإعادة تصدير وتكرير البترول ومشتقاته.

وحسب مدير الديوان الأميري إمارة الفجيرة بتعتبر مركز استراتيجي عالمي في مجال تخزين وتداول النفط ومشتقاته، وتحتل مكانة مُتميزة بين أكبر 3 مراكز تخزين في العالم، وإن فيه رغبة جادة من الشركة لنقل خبرتها في هذا المجال إلى مصر، يعني باختصار كده مصر هتتحول لمركز لتخزين نفط الخليج وهتاخد جزء من أعمال إمارة الفجيرة  وزي ماقالت الشركة الإماراتية إنها ماضية في طريق إنشاء وتطوير مشروع عملاق لدعم القطاع النفطي في مصر، في ظل إمكانات قطاع النفط اللي نجح في جعل مصر الوِجهة الأكتر استقطابا للاستثمارات خاصة من الإمارات

كمان قدمنا تحليل مهم عن صدمة الدهب وسقوط الدولار وتحديدا يوم الأربعاء اللي فات وده لأن الدهب استمر في الهبوط والدولار في النازل بردو  

وكشفنا لحضراتكم سبب نزول اسعار الدهب عالميا ومحليا والدهب نزل نتيجة استقراراه عالميا وتبدد المخاوف من تجدد الصراعات في أكتر منطقة .
وبخصوص نزول سعر الدولار فشرح بانكير إنه زيادة التدفقات الدولارية هي السبب اللي خلت الدولار ينزل ل 47 جنيه و80 قرش ومتوقع ينزل أكتر من كده في حدود 40 و42 جنيه في الايام الجاية