قبل ماتاخد قرض استني شوية.. شوف الفيديو الأول ومش هتندم

بتفكر تاخد قرض بأي شكل من البنوك وأي نوع من القروض شخصي أو مهني أو مشروع أو لأي غرض.. استني شوية وشوف التقرير  دا لمصلحتك

مزنوق  في فلوس وكتير مننا بيفكر بردو يروح ياخد قرض من البنك مع نفسه ومن غير ما حد يحس بيه علشان ما يستلفش من حد أو عشان يعمل مشروعه مع نفسه، وكلنا عارفين إن الفايدة على الاقتراض زادت بشكل كبير في اخر اجتماع للبنك المزكزي فات وزادت 600 نقطة أساس مرة واحدة أو 6 في المية  ووصلت للاجمالي إلى 27.25%، 28.25% و27.75%، على الترتيب، كما رفع سعر الائتمان والخصم بالنسبة ذاتها ليصل إلى 27.75%، وهي أعلى زيادة في تاريخ قرارات رفع أسعار الفائدة.
طيب ده معناه إيه.. ببساطة كده معناه إن تكلفة القرض هيزيد أو الفوايد اللي عليه عالية وخلت ناس كتير تفكر قبل ما تقترض وعشان كده بنقولك لو هتاخد قرض يبقي ممكن تستني شوية وتحديد لغاية أخر الشهر اللي جاي.. طيب ليه.. شوف ياسيدي المفترض إن لجنة السياسة النقدية بالبنك المركزي هتجتمع في مايو الجاي وفيها هيتحدد مصير سعر الفايدة وفيه توقعات كبيرة إن اللجنة هتخفض سعر الفايدة على الاقتراض مع انخفاض نسبة التضخم ودا معناه إن الفايدة على القرض بتاعك هتقل على حسب نسبة قرار اللجنة وقتها..
طيب متوقع الفايدة تنزل كام.. فيه مؤسسات مالية وخبراء جوه وبره مصر توقعوا انخفاضها بين 100 و200 نقطة أساس منهم بنك جولدمان ساكس العالمي واللي توقع في تقرير حديث ليه إن المركزي المصري هيخفض أسعار الفايدة بمقدار 2%، أو 200 نقطة أساس، خلال اجتماع لجنة السياسة النقدية في مايو.

كمان رجح البنك تراجع التضخم إلى 20% بنهاية النسة الحالية، وتوقع كمان إم العائدات على السندات هتفضل مستقرة على المدى القريب مع توقعات انخفاض التضخم وتراجع أسعار الفائدة في وقت لاحق من العام الجاري.

طبعا البنوك العالمية دي مش بتقول أي توقعات وخلاص ولكن بيكون عندها ارقام وبيانات ومؤشرات وقالت إن الفايدة هتنزل ود بسبب حجم التمويلات الكبيرة اللي حصلت عليها الدولة من عدة جهات واللي ساهمت في انحفاض الدولار وبالتالي تراجع الاسعار والتضخم في الأسواق بشكب كبير في الفترة اللي فاتت ومتوقع تنزل أكتر في الأيام الجاية.
الخلاصة إن متوقع بقوة الفايدة هتقل في البنوك على القروض ودا هيظهر الشهر الجاي وعشان كده بنقولك استني شوف الدنيا رايحة علي فين.