من غير ما تلف ولا تحتار.. إزاي تحمي حسابك البنكي من النصابين

لو انت واحد من اللي جت لهم رسالة من رقم مجهول مكتوب لك فيها لقد تم إيقاف حسابك البنكي، برجاء الاتصال بينا فالفيديو ده ليك.. ياتري اية حكاية الرسايل دي ومين اللي بيبعتها.. واية حكايتها.. وهل فعلا البنوك بتسرب بيانات العملاء لناس من برا علشان تستولي علي فلوس العملاء.. لو عايز تعرف كل ده شوف الفيديو ده للآخر
 

رسايل كتير بتيجي للناس مكتوب فيها لقد تم إيقاف حسابك البنكي برجاء الاتصال بينا، وفي ناس كتير اتصلوا ولقوا ناس بترد عليهم وبيقولوا لهم اننا من بنك ما من البنوك اللي موجودة في مصرن وبيطلبوا منهم انهم يدوهم بيانات حساباتهم الشخصية في البنك زي الـ14 رقم الموجودين علي بطاقة الفيزا وكمان الرقم السري بغرض تحديث البيانات وفي ناس كتير بتصدق الكلام ده وفعلا بيدهم الأرقام اللي بيطلبوها، وفي خلال ثاني بيكون الله يعوض عليهم في الفلوس اللي موجودة معاهم في حساباتهم.
في الفترة الأخيرة موضوع الرسايل ده كتير بزيادة عن اللزوم والبنوك عملات حملات إعلانية في اغلب وسائل الاعلام وعلي مواقع التواصل الاجتماعي وفي النشرات الدورية لهم علشان تحذر الناس من انهم يدوا أي بيانات شخصية من خلال التليفون لاي حد بغرض تحديث البيانات او غيره، وان تحديث البيانات او معرفة حسابات الرصيد وكل المعاملات لازم تبقي من خلال البنوك علشان يكون العميل مطمئن علي حسابه البنكي والتعامل عليه، ومع كل الكلام ده لسه برضوا في ناس علي نياته وبتدي بياناتها لاي حد بيكلهم في التليفون وبيقلهم ان من البنك.
طيب ازاي انا اقدر احمي حسابي البنك من الهاكر واحمي فلوسي من انها تروح وانا مش واخذ بالي؟.
علشان نكون عارفين ان أساليب الهكر والناس النصابين اللي عايزه تستولي علي حسابات الناس في البنوك بقت منتشرة جدا، وحاليا في اكتر من طريقة الهكر والنصابين بيدخلوا بيهم علي الناس علشان يسرقهم وياخذوا فلوسهم، وكل المحالات دي فتحت سؤال واحد مفيش غيره ازاي اقدر احمي حسابي البنكي واحافظ علي القرشين اللي حليتي .
الحقيقة في اكثر من طريقة تقدر تحمي بيها نفسك من أي هكر او محاولة اختراق لحسابك البنكي واولهم انك متردش ولا تدي لاي حد مهما كان يتصل بيك من خلال التيلفون أي بيانات شخصية أو بيانات عن بطاقتك البنكية من خلال التليفون ويكون تعامل الرئيسي والاساسي من خلال البنوك، وتاني حاجة انك متدخلش علي حسابك البنكي من خلال تليفون او جهاز كمبيوتر أي شخص تاني غيرك، ومتديش أي شخص كلمة السر للدخول علي الحساب البنكي بتاعك مهما كان، وانك متدخلش علي أي رسائل توصلك علي الايميل الشخصي واللي النصابين بيطلبوا فيها تحديث بياناتك بطاقتك البنكية أو التحقق من تفاصيل تسجيل الدخول إلى خدمة الإنترنت البنكي الشخصي أو تفاصيل الأمان أو أرقام التعريف الشخصية للبطاقات الائتمانية وبطاقات الخصم.
ثالث حاجة علشان تكون مطمئن علي حسابك البنكي ان متفحش أي روابط او لينكات بتوصل من أي رقم بيدعي انه تابع للبنك خصوصا ان البنوك عندهم ارقام معينة واغلبها بيكون معروف لكل الناس يعني مفيش حد هيكلمك ولا هيبعتلك أي رسالة من رقم تليفون محمول ويستحسن ان كل تعاملاتك تكون من خلال فروع البنوك اللي منشترة في كل انحاء الجمهورية، ولو انت قلوق شوية يستحسن أن تثبت برنامج مكافحة الفيروسات وتحدثه دايما لحمايتك من الفيروسات والبرامج الضارة وبرامج التجسس وبرامج الإعلانات خصوصا ان البرامج دي بتحمي المواطن من مواقع الويب المزيفة.