لو هضيف مولود على بطاقة التموين شوف الفيديو ده

ارتفاع اسعار السلع الاساسية اللي بيحتاجها كل بيت مصر، خلي في اقبال كبير جدا من الناس علي بطاقات التموين والسلع اللي بتصرفها الدولة علي البطاقات، وحاليا كل الناس بتسال علي مواعيد اضافة المواليد الجديدة في بطاقات التموين.. يا تري اية حقيقة الكلام ده.. واية هيا خطوات اضافة المواليد في بطاقات التموين.

المصريين وعلي مدار شهور طويلة بيعاني من ازمة ارتفاع اسعار السلع بالاسواق، وده خلي في حرص كبير قوي من المواطنين علي مواعيد صرف السلع التموينية علي البطاقات خصوصا الزيت والسكر والأرز والسلع التانية اللي كل بيت محتاجها وبشكل يومي.
وعلشان نكون عارفين ان بطاقات التموين واحدة من الخدمات اللي بتقدمها الدولة للمواطنين ومش هتقدر ترفع ايدها عنها خصوصا في الدعم المخصص لرغيف الخبز، خصوصا ان مش البيوت هتقدر تشتري عيش سياحي بشكل يومي وفي كل الوجبات الغذائية، وده خلي في اسئلة كتير يطرحها الناس عن مواعيد اعلان وزارة التموين فتح باب اضافة المواليد الجديدة علي بطاقات التموين.
طيب اية الجديدة في موضوع اضافة المواليد الجديدة علي بطاقات التموين؟.
وزارة التموين والتجارة الداخلية نفت اكثر من مرة، عدم فتح باب اضافة المواليد الجديدة علي بطاقات التموين الا في حدود محددة جدا وللفئات اللي اقرتها الدولة زي مستحقين معاش تكافل وكرامة وابناء الشهداء وبعض الفئات الأولي بالرعايا، ودول بس اللي يحق لهم اضافة مواليد جديدة علي بطاقات التموين غير كده مفيش.
وزارة التموين حذرت المواطنين من عدم الانسياق وراء الاخبار اللي بتأكد فتح باب اضافة المواليد علي بطاقات التموين، ووقالت ان الاخباء والاشخاص اللي بيروجوا للكلام ده هدفهم الاساسي النصب علي المواطنين وتحصيل فلوس منهم .
الوزارة كمان حددت خطوات اضافة المواليد للناس اللي بتاخذ معاش تكافل وكرامة والفئات الاولي بالرعايا واسر الشهداء بدون دفع اي رسوم اي مصارفين او غيره من خلال الدخول علي موقع دعم مصر التمويني وان تضغط علي أيقونة انشاء حساب جديد وبعدين تكتب الرقم القومي لصاحب البطاقة التموينية، وبعدين هتكتب الاسم الأول للأم وبعدها هتضغط علي كلمة خدمات التموين، وبعدين هتدخل علي إضافة أفراد أسرتي غير المقيدين، ومنها هتضغط علي خدمة إضافة المواليد الجدد على بطاقة التموين، وتكتب اسماء اولادك اللي انت عايز تضيفهم ويكون اسمهم رباعي وتدخل لهم الرقم القومي بتاعهم وتكتب صلة القرابة سواء كان ابنك او بنتك واخيرا تضغط علي كلمة اضافة.
بعد ما تسجل اسماء اولادك علي موقع دعم مصر، وزارة التموين هتبدا تفحص الاسماء اللي الناس دخلتها، وهتقبل المستحقين وترفض غير المستحقين.
طيب اية هيا شروط الدولة لاضافة المواليد الجديدة للاسر المستحقة علي بطاقات التموين؟.
الدولة اعلنت عن شوية شروط لاضافة الابناء علي بطاقات التموين وهيا أن عمر الابناء اللي المواطن عايز يضيفهم ميقلش عن 4 سنين، ويكون المعاش الشهري لرب الاسرة ميزدتش عن 2500 جنيه، والحد الأدنى للدخل الشهري لصاحب بطاقة التموين يكون اقل من 3 آلاف جنيه، والاضافة هتكون بمعدل طفلين لكل بطاقة بس وميزدوش عن كده.