قبل ما تشتري عربيتك.. شوف الأسعار هتنزل تاني امتى

 
هي أسعار السيارات وترجع تنزل تاني امتي.. وايه السيارات اللي سعرها هينزل وامتي.. وايه النصيحة اللي قالتها شعبة السيارات للي عاوزين يشتروا دلوقتي.. شوف الفيديو للآخر وهتعرف التفاصيل 
 

تقريبا كل مصر بتابع سوق السيارات دلوقتي وعاوزة تعرف هتنزل بشكل حقيقي امتي لأن ناس كتير قررت تستني لما الأسعار كانت في السحاب وياترى ايه الجديد .. أخر حاجة بالنسبة للأسعار إن التخفيضات تراوحت بين 10 و15 في المية وكان متوقع تنزل أكتر من كده بكتير وتحديدا في حدود 30 و40 في المية لكن ده لسه ماحصلش..

لكن خبراء السوق منتظرين انتهاء ظاهرة الأوفربرايس ووصول شحنات السبيارات من الخارج عشان الأسعار ترجع تنزل بشكل معقول وشايفين إن ده ممكن ينشط السوق بشكل كبير جدا، وهتكون البداية الحقيقةي لانفراجة كبيرة في سوق السياارت اللي بيعاني من حالة ركود كبيرة من ساعة أزمة الدولار في السنة اللي فاتت وقفزات الأسعار لمستويات خيالية .
رابطة تجار السيارات، أكدت إن فيه حاجة غريةب بتحصل في سوق السيارات وهي إن الأسعار كان لازم تنزل أكتر من كده  لأن عملية توفير الدولار كانت بتتم على حساب 70 جنيه للدولار ودلوقتي بيتم توفيره في حدود 49 و 50 جنيه للدولار وفي الأيام الأخيرة ارتفع سعر الدولار الجمركي من 30 جنيه الى 47 جنيه و 48 جنيه، وإن الانخفاضات اللي حصلت كانت نتيجة صفقة رأس الحكمة لكن ماسمعتش في سوق السيارات ابسبب ارتفاع الدولار الجمركي

وتوقعت الشعبة انخفاض السيارات بشكل كبير داخل سوق السيارات فى مصر  في الفترة الجاية وتحديد في أسعار السيارات المجمعة محليا واللى ارتفعت أسعارها الفترة اللي فاتت بشكل مبالغ فيه لكن بعد توفير البنوك الدولار ليهم بسعر 50 جنيه بدلا من 70 جنيه فى السوق السوداء مسبقا المفروض الوكلاء  هيخفضوا أسعار  السيارات دي بنسب أكتر من الموجودة حاليا في السوق.
ونصيحة شعبة السيارات للمواطنين اللي ناويين يشترو إنهم يصبروا شوية لان الأسعار هتنزل بشكل حقيقي المرة دي مع استقرار السوق وزيادة المعروض واستقرار الدولار وكمان الاسعار هتنزل بشكل أكبر في سوق المستعمل وكسر الزيرو في الفترة الجاية واللي غالبا هتكون في النص التاني من 2024 ، وتوقعت الشعبة انتعاش تجارة التقسيط من تاني في سوق السياارت بعد ما اختفت بسبب أزمة نقص الدولار وارتفاع الأسعار بشكل غير مسبوق.