مفاجآت من العيار التقيل.. بالأسماء التعديل الحكومي الجديد

امس في جلسة مهمة لمجلس النواب مع مقره بالعاصمة الإدارية الجديدة، وفي كلام كتير جدا ان المجلس هيعتمد التشكيل الحكومة الجديد في الفترة الرئاسية الجديدة.. يا تري اية حقيقة الكلام ده .. ومين ابرز الاسماء المرشحة للاستمرار والرحيل عن الحكومة الجديدة

مجلس النواب وللمرة الثانية هيعقد جلسة استثنائية من مقره الجديدة بالعاصمة الإدارية الجديدة، بعد المرة الاولي اللي عقده المجلس في بداية شهر ابريل الجاري لما الرئيس عبدالفتاح السيسي رئيس الجمهورية ادي اليمين الدستورية في الفترة الرئاسية الجديدة.
مع الانعقاد الجديد لمجلس النواب، الكلام كتير علي وسائل التواصل الإجتماعي والمواقع الاخبارية عن اعتماد مجلس النواب لتشكيل الحكومة الجديد للفترة الرئاسية الجديدة.
طيب اية حقيقة الكلام ده، وهل فعلا مجلس النواب هيعتمد تشكيل الحكومة الجديدة؟.
الإعلامي مصطفي بكري كشف ملامح التعديل الوزاري الجديد 2024، وقال أن كل المؤشرات بتأكد بقاء الدكتور مصطفى مدبولي فى منصبه كرئيس للحكومة الجديدة،  وإن المؤشرات بتأكد كمان تعديل 15 حقيبة وزارية مختلفة من الوزارات المجموعة في الحكومة .
مصطفي بكري كمل كلامه وقال أن في عدد من الوزراء طلبوا إعفائهم من مناصبهم بسبب ظروفهم الصحية وان التشكيل الجديد للحكومة هيضم عدد كبير من وزراء المجموعة الاقتصادية والخدمية هيكملوا معانا في التشكيل الجديد للحكومة، ده غير ان في اسمين من اعضاء مجلس النواب مطروح اسمهم لتولى وزارتين خدميتين لكن لسه الأمور متحسمتش بشكل نهائي.
مصطفي بكري اتكلم كمان عن حركة المحافظين 2024، وقال أن فيه 4 من محافظين من محافظات جنوب الصعيد مش هيكملوا في مناصبهم في الفترة الرئاسية الجديدة، ده غير وجود مدير أمن محافظة مرشح علشان يكون محافظ لأسيوط أو البحيرة، ده غير وجود عدد من مساعدي وزير الداخلية الحاليين والسابقين مرشحين لمناصب المحافظ فى بعض المحافظات.
بكري كمل كلامه عن تفاصيل التشكيل الحكومي الجديد وقال أنه مفيش اي حاجة عن الكلام اللي موجود عن طرح اي اسماء لتولي منصب وزير شئون مجلس النواب أو الشيوخ.
طيب مين ابرز الوزراء اللي مرشحين انهم مش هيكونوا موحودين معانا في التشكيل الحكومي الجديد؟.
علشان نكون عارفين ان في اكثر من وزير مؤكد لحد اللحظة دي رحليهم من التعديل الحكومي الجديد واولهم الدكتور علي مصيلحي وزير التموين والتجارة الداخلية خصوصا بعد ما فشل في السيطرة علي الاسعار بالاسواق وخروج الاوضاع في الاسواق عن السيطرة لولا تدخل مجلس الوزراء لاعادة ضبط الاسعار، ولولا التدخل ده كان في اوضاع غير مقبولة هتحصل تماما.
ثاني الوزراء اللي تاكد رحليهم حتي الان هو الفريق محمد عباس حلمي وزير الطيران المدني خصوصا بعد التصريح الأخير لرئيس شركة مصر للطيران ببيع 12 طايرة من طيارات الشركة واللي الوزارة اشترهم من اقل من سنتين بسبب عدم ملائتهم الظروف المناخية، وان شركة مصر للطيران هتاخذ فلوس بيع الطايرات دي علشان تسدد القرض اللي جابته الشركة لشراء الطيارات من البداية، والحقيقة ان التصريح ده فتح النار علي الحكومة بشكل عام ووزارة الطيران المدني بشكل خاص وكل الناس بتتكلم عن وجود شبه فساد في صفقة شراء الطيارات.