ليلة صعبة على الدولار.. مفاجأة تقلب الموازين وتوقعات بانهياره
ايه اللي حصل النهاردة وخلي الدولار يعيش ليلة صعبىة، وايه مصير سعر العملة الخضراء بداية من بكرة وإيه تأثير اللي حصل النهاردة على الأسواق والعملات وسوق المال والدهب.. تعالو نشوف مع بعض كل الحكاية.
في عالم المال والأعمال والبورصات والبنوك الأخبار الحلوة دايما بيكون ليها أثار جانبية إيجابية على السوق على عكس الأخبار السلبية واللي بتقلب حال الأسواق وترفع الأسعار وتخلق الفوضى بشكل كبير .. ودا اللي بيحصل في كل سوق ولو فاكرين لما كانت تطلع أخبار سلبية عن الاقتصاد المصري كان الدولار سعره يولع في السوق السودا وكمان الدهب كاتن يقفز مرة وااتينين وتلاتة في اليوم الواحد وبعدها أسعار السلع كانت بتجري مع نفسها .. وحصل العكس طبعا لما الأخبار الحلوة بدأت تهل من ساعة صفقة راس الحكمة والدولار انهار من 73 جنيه الي 47 جنيه ولسه بينزل وانتهت السوق السودا والأسعار نزلت بشكل كبير ولسه هتنزل في كل الأماكن.
القصد من اللي قلناه ده كله إن الدولار مرتبط سعره بأخبار كويسة أو سلبية وده اللي حصل نهاردة لأن الحقيقة اليوم كله النهاردة أخبار إيجابية وده فرض نفسه على سوق الصرف ومتوقع يتفاعل معاها خلال الساغات الجاية.. اللي حصل إن الدكتور معيط أعلن نهاردة إن مصر هتستقبل حوالي 30 مليار دولار مرة واحدة خلال الفترة الجاية من برنامج الطروحات الحكومية.
كمان مصر النهاردة استلمت امبارح 820 مليون دولار قيمة الشريحة التانية من قرض صندوق النقد الدولي، ومن الأخبار الحلوة افتتاح الدكتور مدبولي لمشروعات صناعية هتكون إضافة مهمة للاقتصاد المصري وكمان ظهور بيانات دولية بتأكد على قوة الاقتصاد المصري زي ترتيبها في القارة الأفريقية واحتلالها المركز الثالث إفريقيا في اجمالي الناتج المحلي وكمان احتلال مصر المركز التاني في نمو احتياطي الدهب في المنطقة، وده غير أخبار كتير تانية ليها علاقة بالاستثمار المباشر زي اعلان مجموعة سعودية عالمية على ضخ مليار ونص دولار استثمارات في أحد مراحل مشروع راس جميلة في شرم الشيخ .
المهم نرجع للأهم وهي تأثير اللي حصل النهاردة على أسعار الدولار.. أكيد زي ما قلنا الأخبار الحولة بتزعل دايما الدولار وبتنزل بسعره ومتوقع من تداولات بكرة الصبح في البنوك سعر الدولار هينزل بشكل كبير لأنه جزء من الطلب عليه بيكون ليه علاقة خاصة بالتدفقات الدولارية واستدامتها واللي حصل بيقول إن مصر لسه هتستقبل مليارات تانية من الدولارات وعلى مدار الوقت ودي فرصة من دهب لصعود الجنيه.
