مكتبي مفتوح.. ذلة لسان مدبولي كشفت ملامح الحكومة الجديدة

هو صحيح الدكتور مصطفي مدبولي مكمل معانا في رئاسة الحكومة ولا هيكون فيه بدائل ومفاجآت بالدقيقة 90 وإيه اللي قاله مدبولي عن شخصية رئيس الحكومة الجديدة.. تعالوا نشوف اللي حصل النهاردة في المنطقة الصناعية في بورسعيد وإيه قصة مليارات الدولارات اللي تعهد مدبولي بتحقيقها

أكيد كلنا عارفين إن فيه تغييرات وزارية أو تشكيل حكومة جديددة خلال ساعات والكل بيتكلم عن شكل وملامح الحكومة الجديدة وأغلب التوقعات بنقول إن الدكتور مدبولي مكمل معانا واللي حققه الراجل في منصبه مش قليل وأغلب الأزمات كانت خارجة عن إرداة الحكومة ومحدش يقدر ينكر اللي عملته حكومة مدبولي من انجازات سواء قبل أزمة الدولار ولا بعدها ومدبولي كمان من رؤساء الدول اللي بيحظي باحترام الشعب والثقة فيه ودا لأنه رجل دولة واقتصاد وأرقام وفاهم هو بيقول إيه.
المهم نرجع لموضوعنا وهو التشكيل الوزاري الجديد.. شوف هو غالبا الدكتور مصطفى مدبولي، رئيس وزراء مصر الحالي، كشف عن اسم رئيس الحكومة الجديد من غير ماياخد باله .. إزاي هنقول لحضرتك ازاي.. النهاردة الدكتور مدبولي كنا في زياة تفقدية لعدد من المناطق الصناعية في بورسعيد وتحديدا في منصع براميز لصناعة الاطارات واللي دخل بالفعل في مرحلة إنتاج الاطارات في واحدة من أهم الصناعات في العالم وخلال الزيارة اتكلم الدكتور مدبولي في حاجات كتير وكلها بتقول إنه مكمل في الوزارة كرئيس حكومة وإن اللي قاله النهارد ة بمثابة برنامج عمل الحكومة الجديدة.

مدبولي ارجع النهاردة واتكلم عن أهمية مسألة زيادة الصادارات في المرحلة الجاية قدام الحكومة وإن تحقيق 145 مليار دولار صادرات بحلول 2030 قابل للتطبيق ومش كده وبس ده كمان ممكن تجاوزه وقال نصا إنه عشان نحقق المُستهدف، يجب أن تتجاوز قيمة التصدير 145 مليار دولار بحلول 2030، مقابل حوالي 53 مليار دولار في 2023، 
وقال مدبولي كمان إن الحكومة بتتابع على مدار اليوم وعلى مدار الساعة كل مستثمر جاد،  وأؤكد مكتبي مفتوح لأي مستمثر جاد، ومستعدون لتذليل أي عقبات، لتمكين المستثمرين الجادين من تحقيق مستهدفاتهم والجملة الأخيرة بتأكد إن الدكتور مصطفي مدبولي هو رئيس الحكومة الجديدة وعارف إنه مكمل وعشان كده استخدم لغة المسئول اللي موجود ومكتبه مفتوح على طول .. وعلى فكرة احنا بنتكلم على اسم رئيس الحكومة وأكيد هيكون فيه تغييرات في عدد كبير من الوزارت لان التغير سنة الحياة وكل مرحلة وليها رجالها.

وكمان مدبولي أكد إن  برنامج الحكومة اللي جاي هو تطوير وتوطين الصناعىة في مصر والتوسع في التصدير لتوفير الموارد الدولارية للبلد وإن  الصناعة هي قاطرة التنمية خلال الفترة القادمة وده كلام مسئول مكمل وعنده خطة وعارف هيعمل إيه في المرحلة الجاية وياخبر بفلوس بكرة يبقي متاح للجميع.