مفاجأة مدبولي الأخيرة للمصريين.. شوف الأسعار بعد ما نزلت 30% وصلت لكام

الحكومة علي مدار الشهور اللي فاتت عملت شغل كبير جدا لعدم وجود سعرين للدولار في مصر، وسخرت كل جهودها لتوفير موارد اساسية للعملة الدولارية، وحاليا الدولة شغالة علي اسعار السلع علشان تنزل بالشكل المطلوب.. يا تري اية اسعار السلع اللي نزلت وهل في نزول تاني في الاسعار الفترة اللي جاية

الحكومة عملت شغل جامد جدا في الفترة اللي فاتت علشان تنهي ازمة وجود سعرين للدولار في مصر، وفعلا جهود الدولة نجحت في القضاء علي السوق السودا للتجارة بالعملة تماما، وحاليا في سعر واحد للدولار وهو السعر الرسمي في البنوك الوطنية، وحاليا الدولة شافت انها عملت اللي عليها وجه الدور علي ان المواطن المصري يحس بالجهود اللي عملتها الحكومة في اسعار السلع بالاسواق.
وفعلا الدكتور مصطفي مدبولي رئيس مجلس الوزراءن عمل اجتماع مع التجار والموردين وطالبهم بنزول فعلي في الاسعار يوصل لـ30%، خصوصا ان الدولة عملت اللي عليها ووفرت الدولار بسعره الرسمي في البنوك للتجار والموردين بعد ما كانوا مش لاقيينه، وبيشروه من السوق السودا كل يوم بسعر معين، وفعلا التجار اكدوا التزامهم للحكومة بالنزول في الاسعار خصوصا السلع الاساسية زيت الزيت والسكر والأرز والفول والعدس وكل السلع الاساسية اللي المواطن بيحاجها في حياته اليومية .
طيب هل فعلا في سلع اسعارها نزلت في الأسواق؟.
حاتم النجيب رئيس شعبة الخضراوات والفاكهة باتحاد الغرف التجارية، قال أن أسعار كل السلع في الأسواق المحلية انخفضت في الفترة اللي فاتت واولهما الخضراوات والفاكهة، ووصل  سعر كيلو الطماطم ما بين 8 و9 جنيه في سوق الجملة، وفي سوق التجزئة بيوصل لـ 12 جنيه، ووصل سعر  كيلو البطاطس لـ 15 جنيه في السوق المحلي، وسعر كيلو الثوم وصل لـ 25 جنيه، والملوخية نزلت 50%.
رئيس شعبة الخضراوات والفاكهة باتحاد الغرف التجارية، كمل كلامه وقال أن سعر البامية كان بـ150 جنيه قبل رمضان، ودلوقتي بـ 60 جنيه، ومن 15 مايو اللي جاي سعر كيلو البامية هيتراوح من 25 و40 جنيه في الكيلو.

طيب هل في سلع اسعارها نزل تاني غير الخضروات الفاكهة؟.
ايوة طبعا، ومن جانبه، رجب شحاتة رئيس شعبة الأرز باتحاد الصناعات المصرية، قالت إن أسعار الأرز شهدت انخفاض ملموس وحاليا سعر الأرز عريض الحبة بيتراوح ما بين 17000 و17300 جنيه للطن، مقارنة بالسعر اللي وصل له قبل كده واللي كان 19500 جنيه للطن .
رئيس شعبة الأرز باتحاد الصناعات المصرية كمل كلامه وقال أن الأسعار هتتجه للانخفاض في الفترة اللي جاية بشكل كبير ، وان المواطن هيشعر بالانخفاض ده في اسعار الأرز بالمنافذ والمحال التجارية المختلفة .
شحاته قال كمان أن اغلب السلع اسعارها نزلت في الاسواق وحاليا سعر كيلو الأرز وصل لـ 34 جنيه للكيلو وسعر الفول المعبأ وصل لـ 59 جنيه للكيلو، والدقيق المعبأ وصل سعره لـ28 جنيه للكيلو، وزيت عباد الشمس وصل سعره لـ 92 جنيه/ للتر، والسكر المعبأ وصل سعره لـ 40 جنيه/ للكيلو والمكرونة المعبأة وصل سعرها  3 جنيه/ للكيلو والعدس المعبأ وصل سعره لـ 67 جنيه/ للكيلو، وزيت الذرة وصل سعرها لـ 126 جنيه/ للتر واخيرا البيض البلدي وصل سعره الواحدة لـ 6.5 جنيه/ للبيضة.