ضربة للمدخنيين.. زيادات جديدة في أسعار السجاير.. شوف العلبة وصلت لكام

ليه السجاير بتزيد كل شوية وإزاي سعرها يرفع مرتين في اجازة عيد الفطر وإيه رد الشركة.. يا تري الزيادة في اسعار السجاير وصلت لكام.. واسعار العلبه وصل كام دلوقتي

السجاير علي رغم كمية الاضرار الكبيرة الموجودة فيها بسبب النيكوتين واللي بسبب امراض صدرية كبيرة للناس اللي بتشربها، الا انها واحدة من الحاجات اللي فئة كبيرة جدا من الشعب المصري من المدخنيين ميقدروش يستغنوا عنها ولو سعرها وصل لكام هيشروا برضوا، خصوصا انهم يبعتبروا حاجة اساسية في حياتهم.
في خلال ايام عيد الفطر المبارك، الشركة المنتجة للسجاير قررت رفع اسعار اغلب منتجاتها، بقيم تتراوح بين 2.50 إلى 5 جنية في العلبة الواحدة، والشركة قالت ان الزيادة دي بسبب احكام ضريبة القيمة المضافة وقانون التأمين الصحي الشامل رقم 2 لسنة 2018.
طيب هل في زيادة جديدة هتحصل في اسعار السجاير في الفترة اللي جاية؟.
هاني أمان العضو المنتدب للشركة الشرقية إيسترن كومباني، قال أن الشركة بتدرس رفع أسعار السجائر بمستوى دون الحد الأقصى المسموح به، خصوصا أن أسعار المنتجات اللي بتدخل في صناعة السجاير ارتفعت مع سعر الصرف الدولار من 31 جنيهًا بالبنوك الحكومية إلى 47 جنيه، وطالب كمان بضرورة فتح استيراد الانواع الشعبية من السجاير زيها زي الانواع اللي بيشتريها فئات محددة من الشعب، وده هيكون له اثر ايجابي في القضاء على الاحتكار في صناعة السجاير في مصر .
المنتدب للشركة الشرقية إيسترن كومباني كمل كلامه وقال أن بعض الشركات التانية المنتجة لأسعار السجاير رفعت اسعارها في الفترة اللي فاتت وكانت الزيادة بتترواح من 8 الي 11 جنيه في العلبة الواحدة،  وأن الزيادة كانت كانت تماشيا مع تطبيق الحد الأقصى للشرائح الضريبية على أسعار السجائر بعد التعديل الأخير اللي حصل واللي نص علي تحصيل 4.5 جنيه ضريبة على كل علبة سجائر متزدتش سعرها عن 34.72 جنيه، وتحصيل 7 جنيه في الشريحة الثانية اللي  سعر بيعها عن 34.72 جنيه وميتجاوزش 50.4 جنيه، وتحصيل ضرائب بقيمة 7.5 جنيه على كل علبة سجائر تزيد سعر بيعها عن  50.4 جنيه .
طيب الاسعار الجديدة لعلبة السجاير وصلت لكام بعد الزيادة الاخيرة دي؟.
الشركة المنتجة للسجاير اعلنت عن الأسعار الجديدة للسجاير بعد تطبيق الزيادة الجديدة ووصل سعر علبة كليوباترا بوكس 10 لـ 24.50 جنيه، وسعر كليوباترا كينج سايز لـ 34.50 جنيه وسعر سجائر كليوباترا سوفت لـ 34.50جنيه، وسعر سجائر (بوسطن، بلمونت) لـ 34.50 جنيه، وسعر سجائر كليوباترا بوكس( أبيض، ألوان ) ارتفع من 30 إلى 34.50 جنيه وسعر سجائر سوبر ستار ارتفع من 30 إلى 34.50 جنيه، وسعر سجائر مونديال (أحمر، أزرق ، سيلفر) ارتفع  من 30 إلى 34.50 جنيه، وسعر مونديال سويتش( بلوبيري، منتول) وصل لـ 34.50 جنيه، وسعر كليوباترا بلاك وصل لـ 34.50 جنيه، وسعر سجائر ماتوسيان سوبر وصل لـ 34.50 جنيه، وسعر سجائر سعر مونديال فايسروي/بال مال ارتفع من 50 إلى 55 جنيه.