امتى بيتم إيقاف فيزا المشتريات؟ وإيه الحاجات اللي لازم تاخد بالك منها عشان ده مايحصلش؟

يا ترى ايه سبب إيقاف فيزة المشتريات أو البطاقة الائتمانية؟ وايه الحاجات اللى لازم تاخد بالك منها عشان ده ما يحصلش معاك؟ ولو وقفت تعمل ايه عشان ترجعها تاني؟.. هنقول كل إجابات الأسئلة دي في الفيديو ده بعد الفاصل
فاااصل  
البطاقة الائتمانية أو الفيزا واحدة من  أهم المنتجات البنكية وبتتيح مزايا حصرية لأصحابها من أهمها حرية السحب والشراء والاستمتاع بفترة سماح تتراوح من 52 وحتى 57 يوم، وكمان يقدر حامل فيزا المشتريات استخدامها في عمليات الشراء من المتاجر أو عبر الإنترنت، بالإضافة الى استخدامها في عمليات السحب النقدي من ماكينات الصراف الآلي، ولكن يجب تسديد المبلغ في وقت محدد يعرف بفترة السماح، واللي بتختلف من بنك للتاني، وفي حالة قيام العميل بتسديد المبلغ قبل انتهاء فترة السماح مش بيتم احتساب أي فوائد.
ومن خلال فيزا المشتريات تقدر كمان تستمتع وتستفيد بعروض التقسيط بدون فوايد اللى بتقدمها كتير من الشركات وتقدر تشترى السلعة اللى انت محتاجها بدون مقدم وتسدد سعرها على 6 شهور او سنة او اى فترة تقسيط تناسب دخلك. 
طب ايه أسباب إيقاف بطاقة الشتريات؟
فيه أسباب كتيرة ومختلفة لايقاف فيزا المشتريات زي مثلا عدم سداد العميل للحد الأدنى للسداد لمدة شهرين ورا بعض وفى حالة السداد بعد فترة السماح بيتم إعادة الخدمة للبطاقة خلال 24 ساعة عمل من سداد العميل لإجمالي مبالغ الحد الأدنى للسداد.
كمان من أسباب إيقاف البطاقة الائتمانية استعمال كامل الحد أو جزء منه في عمليات مشتريات لا تتناسب مع طبيعة الاستخدام التاريخي للبطاقة، وعمل إيداعات نقدية بمبالغ ضخمة وبصورة متكررة بغرض زيادة الرصيد المتاح للاستخدام.
وكمان استخدام البطاقة في العمليات المحظورة قانونًا بما فيها شراء بضائع أو خدمات مجرمة بواسطة القانون المصري
وآخر سبب من أسباب وقف فيزا المشتريات هو انتها تاريخ صلاحية البطاقة وعدم تجديدها 
طب هل فيه طريقة لتجنب إيقاف البطاقة؟ 
طبعا .. وأهمها انك تتأكد بشكل دوري من تسديد مستحقات بطاقتك الائتمانية 
وتدفع مبلغ القسط المستحق شهريًا في موعده المحدد.. وما تستخدمش البطاقة في العمليات المحظورة قانونا.. وتجدد بطاقاتك فورًا عند انتهاء صلاحيتها لتجنب إيقافها

واوعى تتجاهل أي تنبيهات من قبل البنك سواء عبر الرسائل النصية القصيرة أو المكالمات لأن التنبيهات دي بتقولك ايه اللى بيحصل على بطاقتك وموعد تجديدها.