خبرين حلوين من الحكومة للمصريين بعد العيد.. شوف اللي هيحصل

الحكومة حاليا بتستعد لتجهيز شوية اخبار حلوة للمصريين عقب انتهاء اجازة عيد الفطر المبارك، خصوصا ان الحكومة شايفة أن المصريين اتحملوا كتير الفترة اللي فاتت، ودجه الوقت اللي الحكومة تريح الناس شوية.. يا تري اية الاخبار الحلوة اللي الحكمة مجهزاها للمصريين بعد انتهاء اجازة عيد الفطر .

طبعا كل الناس حاليا نفسها في خبر حلو تسمعه يغيره بس ويا سلام لو خبر تنزيل في اسعار خدمات او سلع خصوصا ان المصريين اتسلعوا الفترة اللي فاتت كتير من الاسعار وكل يوم السلع بسعر وكل يوم الاسعار زايدة سواء الدولار طلع او نزل.. كده كده الاسعار في الطالع.

الدكتور مصطفي مدبولي رئيس مجلس الوزراء عقد اجتماع مع التجار والموردين والمستورين، علشان آليه للنزول باسعار السلع خصوصا ان الحكومة عملت اللي عليها ووفرت لهم الدولار اللي كان لازم علشان يفرجوا ويشتروا السلع اللي الشعب محتاجها علشان يكمل بيها حياته ويسد منها احتياجاته بيته من رز وسكر وزيت وغيره.

فعلا كلام الدكتور مصطفي مدبولي جاب نتيجة مع التجارة واللي اعلنوا انهم هيبدوا ينزلوا بالاسعار من 15 الي 20% من اليوم التاني للاتفاق اللي تم مع رئيس مجلس الوزراء، والدكتور مصطفي مدبولي حذر التجار من كون الاعلان عن تخفيض الاسعار علي الورق بس وميكونش في نزول حقيقي في الاسعار، خصوصا ان قالهم اننا عملنا اجتماعات كتيرة قبل كده واتفاقنا علي انخفاض حقيقي في الاسعار ولكن الكلام ده مكنش بيطب علي ارض الواقع، وقال لوزير التموين والتجارة الداخلية الدكتور علي مصيلحي لما سالتلك قولتي انك بتنزل مناطق تجارية بتاع الاغنية وان التخفيضات دي موجودة في المناطق البسيطة وبتاع الفقراء.
الدكتور مصطفي مدبولي قال للتجار ان مجلس الوزراء هيشكل لجان تابعه له لمتابعة نزول الاسعار بشكل يومي علشان فعلا الحكومة تتأكد ان في استجابة حقيقية في النزول بالاسعار، وان الاتفاقيات اللي حصلت مش كلام علي وقت ولا كلام بدون تنفيذ خصوصا ان الحكومة حلت لهم اكبر مشكلة كانت بتواجههم وهيا توفير الدولار اللي كانوا بيحاتجه علشان الافراج الجمركي.
الخبر السار اللي الحكومة مجهزاه للمواطنين بعد العيد أنه هيكون في نزول حقيقي في الاسعار هيوصل لـ30% في الاسعار بشكل عام خصوصا اسعار الزيت والسكر والارز والمكرونة وغيرها من السلع الاستراتيجية اللي مفيش استغنا عنا في اي بيوت من البيوت المصرية، وان الحكومة مستمرة في النزول بالاسعار مع مرور الايام علشان المواطن يحس باللي عملته الحكومة لتوفير الدولار وبشكل طبيعي قدام الموردين والمستوردين.

الخبر التاني الحلو معانا النهاردة وهو اعلان الحكومة ممثلة في وزارة التضامن الإجتماعي عن نزول منحة معاش تكافل وكرامة للمواطنين من اصحاب مبادرة تكافل وكرامة واللي بيوصل عددهم الي 22 مليون مواطن يوم 15 ابريل وده بعد عيد الفطر المبارك وبالزيادة اللي اقرها الرئيس عبدالفتاح السيسي رئيس الجمهورية، وبالتالي يقدروا يشتروا احتياجات بيوتهم واحتياجات اولادهم خصوصا ان المعاش ده بيمثل اهمية كبيرة من الفئات الأكثر احتياجات من طبقات المجتمع.