أخيرا حسم مشروع رأس جميلة.. شوف حجم استثماراته قد إيه

 
ايه اللي حصل في صفقة رأس جميلة عبة شواطئ جنوب سيناء.. وايه الجديد وياترى حجم استثمارات المشروع كام وليه الكلام دلوقتي عن المشروع الضخم.. تعالوا نشوف إيه الحكاية واولها ايه وآخرها ايه.
 
طبعا احنا عارفين إن بعد صفقة رأس الحكمة الضخمة واللي فكت عقدة الدولار للابد وكانت السبب في انهيار السوق السودا للدولار وتحرير سعر الجنيه أو التعويم كتر الكلام عن صفقات استثمارية ضخمة في مصر ومناطق صناعية جديدة تم الاتفاق عليها زي مشروع المنطقة الصناعية التركية والمشروع الصيني العظيم واللي قدرته جهات اقتصادية أنه أضخم من مشروع رأس الحكمة والسفير الصيني أعلن عن المشروع بس مقالش حجم التكلفة لغاية ما تنتهي الدراسات كلها وهيتعمل مؤتمر صحفي عالمي ويتم فيه الاعلان عن كل التفاصيل وكمان فيه مشروعات تانية ضخمة تم الإعلان عنها بالفعل زي استثمار شركة روسية عالمية في مشروع للتنقيب عن الدهب في مصر بمليار دولار استثمارات أولية وكمان مشروع إيطالي لإنشاء مجمع حديث للحديد والصلب ومشروع لإنتاج هيدروجين اخضر بتكلفة استثمارية 7 مليار دولار وده ..

لكن الكلام خد فترة عن مشروع تاني خالص والناس تابعت أخباره لغاية ما نقطعت وساعتها طلعنا هنا في بانكير وقلنا ياجماعه التفاوض شغال عليه قبل الاعلان الرسمي وهو مشروع رأس جميل ودي منطقة على ساحل جنوب سيناء وبالقرب من شرم الشيخ وهي منطقة من اجمل مناطق العالم وفيها كنوز من الشواطئ والجبال والمناظر الطبيعية والجو العليل وعشان كده الكلام عنها كان كتير وإن السعودية هي اللي هتفوز بالمشروع في الاخر لانه مواجه لحدودها البحرية مع مصر وقربها من الأراضي السعودية واللي هتكون بديل قدام آلاف للسعوديين لزيارتها بدل مناطق بعيدة عنهم

جهات اقتصادية قدرت حجم الاستثمارات الأولية قي في المشروع بحوالي 20 مليار دولار ودي بداية وتقديرات أولية والمفروض الرقم هيزيد بعد انتهاء الدراسات عن المشروع الترفيهي السياحي التجاري العملاق في راس جميلة.. طيب ايه مناسبة الكلام دلوقتي عن مشروع رأس جميلة.. شوف حضرتك في الساعات الأخيرة وزير قطاع الأعمال العام، محمود عصمت، قال إنه تم  التواصل مع وزارة الإسكان للمشاركة فى اختيار أفضل السبل الاستثمارية والترويجية لمشروع رأس جميلة، البالغ مساحته 806 آلاف متر بمدينة شرم الشيخ، بهدف إقامة فنادق ووحدات تجارية.. والكلام ده معناه أن المشروع دخل مرحلة الجد وبكده الحكومة هتعرض المشروع للاستثمار عشان تاخد أعلي عرض عليه من الجهات المهتمة ولأن المشروع مكسبه مضمون وأعماله ضخمة متوقع يكون فيه منافسة شديدة عليه وده في النهاية لصالح الدولة اللي هتقبل بأهم وأعلى عرض.

الأهم بقي إنه بعد فتح الكلام عن راس جميلة وقبلها إعلامنا صفقة رأس الحكمة أن مصر هتبدأ بعدها اكتشاف كنوز اقتصادية وساحلية تانية عشان تستفاد بالمقومات الطبيعة الضخمة اللي عندها ومصر لو مش اخدين بالكم عندها شواطيء بتزيد عن 2936 كيلو متر شواطئ من جنوب البحر الاحمر لغاية مطروح والعقبة واحنا بنتكلم عن مشروعات رغم صخامتها لكن بتستغل مساحات قليلة من شواطئ مصر ولسه فيه اماكن تانية كتير زي رأس الحكمة وراس جميلة كده وفيه كنوز في الجنوب البحر الاحمر وفيه سهل حشيش على سبيل المثال ودي منطقة قريبة من الغردقة وهتبقي الغردقة الجديدة وهي من اجمل مناطق العالم وفي انتظار استثمارات بمليارات الدولارات.