سعرها حنين.. أرخص 5 عربيات كسر زيرو في السوق دلوقتي

 
 
بتدور على عربة من سنتين بس الاسعار ولعت وبقت خيالية نتيجة الظروف اللي عدت.. دلوقتي متقلقش هتشتري عربيتك دلوقتي كسر زيرو بحالتها وكمان بسعر حنين وعلى قد الإيد.. شوف الفيديو ده وهتعرف التفاصيل.

 
زي ما قلنا قبل كده إن أسعار السيارات بدأت تنزل بشكل كبير في السوق سواء زيرو أو مستعمل وده بعد حل أزمة الدولار وزوال السوق السودا أخيرا وكمان مع انتهاء أزمات المستوردين والبضائع اللي كانت مركونة في المواني وفتح باب الاستيراد من تاني وعلى آخره للسيارات الجديدة لكن اكيد هتلخد كام شهر لغاية ما تسمع في السوق.
ولأن اسعار السيارات المستعمله مرتبطة باسعار الزيرو بشكل مباشر فأكيد سوق المستعمل نزلت فيه الأسعار بشكل كبير جدا في الأيام اللي عدت.. بانكير هيقدملكم افضل واهم 5 سيارات كسر زيرو في السوق دلوقتي وتقدر تشتري عربيتك من اي ماركة وطراز يعجبك واللي نزلت أسعارها بشكل كبير في الأيام الأخيرة ووهي بتتباع من خلال منصات البيع المتخصصة على الإنترنت وتبدأ أسعارها من 570 ألف جنيه.. خليكم معانا.
أول عربية معانا هي أوبل أسترا موديل 2020  ودي معروضة على  منصات بيع المستعملة بمتوسط سعر 750 ألف جنيه، وتتحكم الحالة الفنية وعداد الكيلو متر في سعر السيارة النهائي.
تاني عربية ممكن تسريها هي ستروين سي إليزيه موديل 2020 كسر الزيرو بمتوسط سعر 600 ألف جنيه، وبردوا بتتحكم في السعر لحالة الفنية في سعر السيارة النهائي
أما بخصوص تالت عربية معانا في سوق المستعمل وهي كسر  زيرو وهي سوزوكي ديزاير  موديل 2020 ودي ممتوسط سعر 590 ألف جنيه، وتتحكم الحالة الفنية وعداد الكيلو متر والتجهيزات في السعر النهائي.
كمان معانا عربية شفروليه أوبترا وهي موديل 2020 كسر الزيرو ودي بتتباع  بمتوسط سعر 600 ألف جنيه، والسعر النهائي بيتحدد بناء على الحالة الفنية وعداد الكيلو متر والتجهيزات وممكن طبعا سعرها. ينزل اكتر من كده مع صاحبها لو اتفاوضت معاه لأن الأسعار المعروضة على المنصات بتكون فوق اللي عاوز مالك العربية عشان لو المشتري حب يتفاوض معاه.
اخر عربية معانا في سوق المستعمل هي شيري أريزو 5 ودي عربية تحفة وفيها مميزات كتير شيري أريزو 5 موديل 2020 كسر الزيرو بمتوسط سعري 570 ألف جنيه، وتتحكم الحالة الفنية في سعر السيارة النهائي.
اما بخصوص أسعارالزيرو فتجار السيارات شايفين إن الأسعار هتنزل بشكل حقيقي في يونيو اللي جاي وده عشان هتكون الشحنات الجديدة وصلت للسوق وكمان يكون الشركات خلصت جزء كبير من الحاجزين للسيارات في الفترة الأخيرة وعشان كده لو مش مزنوق أووي في العربية دلوقتي ممكن تصير الشهرين دول وتوفر فلوسك.