الهدوء الذي يسبق العاصفة.. إيه اللي هيحصل في سوق الدهب

ياترى الدهب رايح على فين الأيام والشهور الجاية وهل صحيح الاسعار هتضرب في العالي وإيه أنسب وقت للشراء.. مفاجأت كتير هنعرفها في الفيديو ده خليكم معانا

الدهب معروف إنه ملاذ آمن في الأزمات الاقتصادية والحقيقة المصرييين اشترو كميات كبيرة خاصة في وقت ذروة أزمة نقص الدولار عشان يحفظوا قيمة فلوسهم وده غير أكتر من  طن دهب دخلت خلال أقل من سنة ضمن مباردة دخول الدهب مع المغتربين بدون جمارك وخلال 2023 اسعار الدهب زادت جدا والجرام وصل  4 آلاف جنيه بسبب كثرة الاقبال والخوف من التعويم وقتها.
المهم بعد قرارات المركزي الأخيرة بتعويم الجنيه ورفع أسعار الفايدة بدأ الهدوء يرجع لسوق الصاغة المصرية وبدأت الأسعار تنزل بشكل كبير لغاية اليومين اللي فاتوا واللي حصل فيهم زي قلبان في سوق الدهب عالميا ووصلت الأسعار لمستويات تاريخية.
ومش كده وبس ده كمان فيه توقعات إن الأيام دي بتشبه الهدوء اللي بيسبق العاصفة وأسعار الدهب العالمية هتعدي الالفين دولار للأونصة وهتوصل للذروة ل3 آلاف دولار وده معنه قلق كبير  في أسواق الدهب في العالم كله لأن الاسواق مرتبطة ببعض.
معروف أي توتر في السعر العالمي هيأثر على  السوق المصري بسبب الأستيراد وسعر الدولار وكل المختصين بيتوقعوتا عودة الارتفاع مرة تانية للدهب  بالتزامن مع اقتراب عيد الفطر لأن المصريين بيحبوا يشتروا الدهب كنوع من أنواع العيدية وزيادة الإقبال على عملية الشراء للهدايا من المشغولات الدهبية لاعتبارها زينة وخزينة وهدايا قيمة.
لكن خلونا في التوقعات العالمية واللي مؤسسات التحليل الدولية قالت زي ما قلنا إن أسعار الدهب من المتوقع توصل إلى مستويات قياسية جديدة وهتكون فوق مستويات 2,000 دولار في سنة 2024، بسبب حالة عدم اليقين الجيوسياسي والضعف المحتمل للدولار الأمريكي والتخفيضات المحتملة في أسعار الفائدة.
وإن اسعار الدهب الفترة الجاية عالميا هتتراوح عند مستوى الـ 2080 دولار أو حتى تتماسك أعلى مستويات الـ 2000 دولار في الفترة المتبقية من عام 2024.

ويتوقع المحللون أن تبقي أسعار الدهب فوق مستوى الـ 2000 دولار السنة الجاية مع استمرار الاندفاع العالمي نحو الدهب. لكن بتشير توقعات أسعار الدهب بلوغ الأسعار مستويات قياسية جديدة  وإن معظم المحللين منتظرين زيادة معتدلة في أسعار الدهب في  2025، لكن أغلب التوقعات لسعر الدهب في ال5 سنين اللي جاية بتقول للأسف إن السعر هيعدي الـ 3,000 دولار، أي أن عيار 21 سيصل لمستويات 5700 جنيه وإن عيار 24 ممكن يوصل بين 6500 و7 ألأف جينه حسب سعر الدولار وقتها وطبعا مش عاوز كلام إن افضل وقت للاستثمار في الدهب دلوقتي لو عندك مدخرات أو سيولة مالية زيادة بسبب توقعات ارتفاع الاسعار في السنتين تلاتة اللي جايين.