أول بشاير الولاية الجديدة.. السويدي يكشف المفاجأة
ايه حكاية مدينة السويدي الجديدة في أكتوبر وإيه علاقتها بخطاب الرئيس السيسي في حفل التنصيب.. والمدينة دي عبارة عن إيه وحجم استثماراتها وإيه هي المفاجأة في الموضوع.. خليكم معانا للأخر وشوفوا التفاصيل
امبارح الرئيس السيسي حلف اليمين أمام مجلس النواب في العاصمة الإدارية وبعدها قال خطاب مهم عن الملفات الاقتصادية المختلفة ومن بين الكلام كان تأكيد الرئيس على تعزيز دور القطاع الخاص المصري وتشجيعه لإقامة المزيد من المشروعات وتدوير راس المال والمدخرات يعني مشروعات تعمل مشروعات بدل الفلوس ما تنام في البنوك.
بعد كلمة الرئيس هلت أول البشاير .. تعالو نشوف ايه الحكاية.. من شوية طلع الرئيس التنفيذي والعضو المنتدب لمجموعة السويدي إليكتريك المصرية، أحمد السويدي، وده ملياردير مصري معروف طبعا وقال إن شركته التابعة واسمها السويدي للتنمية الصناعية خلاص هتستلم 2 مليون متر مربع أراضٍ في مدينة أكتوبر الجديدة، من الحكومة، خلال أسبوعين، ودا عشان إقامة منطقة صناعية كبرى.
وعشان نستوعب قد إيه المشروع ضخم ومتكامل السويدي قال إن المدينة المقترحة بتستهدف جذب استثمارات أجنبية ومحلية بقيمة أولية 20 مليار جنيه، بجانب توفير أكتر من 150 ألف فرصة عمل في مختلف الصناعات، وبناء وتنمية أكتر من 400 مصنع و 100 منشأة لوجستية وتجارية.
ودي كانت مجرد بداية لترجمة خطط الرئيس بخصوص القطاع الخاص على الأرض وعلى فكرة حجم القطاع الخاص في مصر مش قليل ويقدر يغير المعادلة الاقتصادية باستثمارات نوعية وتوطين صناعات التصدير وده اللي قال عليه الرئيس.
بس كده لا دي فيه تفصيلة تانية بتقول إن السويدي هيعمل مدينة صناعية ضمن مخطط المرحلة التانية من مشروع العاصمة الإدارية الجديدة خلال الفترة الجاية وإن منطقة السويدي الصناعية هتكون على مساحة 2000 فدان ضمن المرحلة التانية من المدينة.
وعلى فكرة السويدي شركة مصرية ضمن عشراات الشركات اللي بتأكد إن القطاع الخاص المصري عالمي وعنده شركات بتنافس وتتفوق على الشركات العالمية وعلى فكرة بردو السويدي بتمثل مصر في أكتر من بلد بمشروعات عملاقة زي مشروع سد تنزانيا ومشروعات في السعودية وغرب أفريقيا وخلينا نقول إن العصر اللي جاي هو عصر القطاع الخاص المصري.أول بشاير الولاية الجديدة.. السويدي يكشف المفاجأة
ايه حكاية مدينة السويدي الجديدة في أكتوبر وإيه علاقتها بخطاب الرئيس السيسي في حفل التنصيب.. والمدينة دي عبارة عن إيه وحجم استثماراتها وإيه هي المفاجأة في الموضوع.. خليكم معانا للأخر وشوفوا التفاصيل
امبارح الرئيس السيسي حلف اليمين أمام مجلس النواب في العاصمة الإدارية وبعدها قال خطاب مهم عن الملفات الاقتصادية المختلفة ومن بين الكلام كان تأكيد الرئيس على تعزيز دور القطاع الخاص المصري وتشجيعه لإقامة المزيد من المشروعات وتدوير راس المال والمدخرات يعني مشروعات تعمل مشروعات بدل الفلوس ما تنام في البنوك.
بعد كلمة الرئيس هلت أول البشاير .. تعالو نشوف ايه الحكاية.. من شوية طلع الرئيس التنفيذي والعضو المنتدب لمجموعة السويدي إليكتريك المصرية، أحمد السويدي، وده ملياردير مصري معروف طبعا وقال إن شركته التابعة واسمها السويدي للتنمية الصناعية خلاص هتستلم 2 مليون متر مربع أراضٍ في مدينة أكتوبر الجديدة، من الحكومة، خلال أسبوعين، ودا عشان إقامة منطقة صناعية كبرى.
وعشان نستوعب قد إيه المشروع ضخم ومتكامل السويدي قال إن المدينة المقترحة بتستهدف جذب استثمارات أجنبية ومحلية بقيمة أولية 20 مليار جنيه، بجانب توفير أكتر من 150 ألف فرصة عمل في مختلف الصناعات، وبناء وتنمية أكتر من 400 مصنع و 100 منشأة لوجستية وتجارية.
ودي كانت مجرد بداية لترجمة خطط الرئيس بخصوص القطاع الخاص على الأرض وعلى فكرة حجم القطاع الخاص في مصر مش قليل ويقدر يغير المعادلة الاقتصادية باستثمارات نوعية وتوطين صناعات التصدير وده اللي قال عليه الرئيس.
بس كده لا دي فيه تفصيلة تانية بتقول إن السويدي هيعمل مدينة صناعية ضمن مخطط المرحلة التانية من مشروع العاصمة الإدارية الجديدة خلال الفترة الجاية وإن منطقة السويدي الصناعية هتكون على مساحة 2000 فدان ضمن المرحلة التانية من المدينة.
وعلى فكرة السويدي شركة مصرية ضمن عشراات الشركات اللي بتأكد إن القطاع الخاص المصري عالمي وعنده شركات بتنافس وتتفوق على الشركات العالمية وعلى فكرة بردو السويدي بتمثل مصر في أكتر من بلد بمشروعات عملاقة زي مشروع سد تنزانيا ومشروعات في السعودية وغرب أفريقيا وخلينا نقول إن العصر اللي جاي هو عصر القطاع الخاص المصري.
