إيه اللي هيحصل بعد ما الرئيس السيسي حلف اليمين.. مفاجأت الساعات القادمة

 
النهاردة يوم تاريخي وفارق في حياة الشعب المصري كله، خصوصا انه شهد حلف اليمين الدستورية للرئيس عبدالفتاح السيسي كرئيس للجمهورية لمدة 6 سنوات جديدة، يا تري اية اللي هيحصل بعد حلف اليمين ومين اللي هيقعد ومين اللي هيمشي من الحكومة.

مجلس النواب بالعاصمة الإدارية الجديدة كان النهاردة في حدث تاريخي بحلف الرئيس عبدالفتاح السيسي لليمين الدستورية كرئيس جديدة للدولة في الولاية الرئاسية الثالثة لمدة 6 سنين جديدة وده بعد الفوز اللي حققه في الانتخابات قدام منافسيه فريد زهران وحازم عمر وعبدالسند يمامه في الانتخابات اللي كانت في شهر يناير اللي فات .
طيب اية اللي هيحصل بعد ما الرئيس يحلف اليمين الدستورية؟.
حلف الرئيس السيسي لليمين الدستورية كرئيس جديد للبلاد معانا بداية دولة وحكومة جديدة بالتالي أول حاجة هيعملها قبول استقالة الحكومة أو تكلفلها بتسيير الأعمال لحين تشكيل حكومة جديدة سؤال باستمرار الوزراء الموجودين حاليا أو حتي عدد منهم أو اختيار وزراء جدد في الحكومة الجديدة اللي هتكون مع الرئيس السيسي في الولاية الرئاسية الجديدة.
تاني حاجة هيعملها الرئيس السيسي بعد قبول استقاله الحكومة هي اختيار شخصية ما علشان يكون رئيس حكومة جديدة والأقرب لحد اللحظة اللي احنا مع حضراتكم فيها دولوقتي هيا استمرار الدكتور مصطفي مدبولي كرئيس للحكومة في الفترة الرئاسية الجديدة خصوصا ان الراجل بيتمتع بثقة كبيرة من القيادة السياسية وبعد النجاح اللي عمله الحكومة في حل الأزمة الاقتصادية الكبيرة اللي كانت بتهدد الاقتصاد الوطني المصري في الفترة اللي فاتت بسبب نقص العملات الأجنبية واولها الدولار.
بعد كده رئيس مجلس الوزراء الجديد هيبدأ مشارات تشكيل الحكومة الجديدة واختيار الاسماء اللي هتكون علي راس الحقائب الوزارية، وهنا هتكون الحدوتة كلها خصوصا ان في وزراء كتير فلشوا في عمل الوجبات اللي كانوا منوطين بيها وده شوه صورة الحكومة قدام الشعب وخلي في شبه انعدام للثقة بين الحكومة وبين الشعب.
في وزراء معرفين بالاسم في استقرار عليهم انهم مش هيكونوا موجودين في الحكومة الجديدة أولهم الدكتور علي مصيحلي وزير التموين والتجارة الداخلية خصوصا بعد فشل الوزارة في السيطرة علي الاسعار في الاسواق، وده اللي خلي الدكتور مصطفي مدبولي رئيس مجلس الوزراء يعقد اجتماع اكثر من مرة مع الموردين والتجار والمستوردين علشان يطلب منهم تخفيض اسعار السلع بالاسواق.

قائمة التعديل الوزاري الجديد مش هتقف علي وزير التموين والتجارة الداخلية لا هتشمل وزير الزراعة وزراء البيئة والتعليم العالي وفيه كلام قوي كمان عن رحيل وزير التربية والتعليم ووزير التجارة والصناعة والإسكان والسياحة والآثار والطيران المدني وحقايب تانية بيتم الاستقرار على وزرائها الجدد، خصوصا الرئيس السيسي عطى توجيهات قوية باختبار كفاءات وعقليات قارة تضيف في كل الملفات وحاليا الأجهزة بتدرس السير الذاتية وبتعمل مقابلات مع المرشحين وتم الاستقرار على أسماء قوية خصوصا في الحقايب الوزارية الاقتصادية والخدمية،

بعد تشكيل الحكومة الجديدة هتكون في حركة محافظفين واكيد برضوا في عدد من المحافظين هيكموا في الفترة الرئاسية الجديدة وفي وجوه جديدة هتظهر علشان تاخذ فرصتها في خدمة المواطنين بالمحافظات.