أرخص 5 عربيات في مصر.. سعرهم على أد الإيد
عاوز تشتري عربية ترحمك من زحمة المواصلات وتوفر فلوسك .. نفسك في عربية جديدة بس الأسعار زادت وراحت في حتة بعيدة.. في الفيديو ده هنقولك أرخص 5عربيات موجودة في السوق بعد إلغاء الاوفر برايس
ناس كتير في الفترة الأخيرة بتدور في سوق السيارات على أرخص الطرازات الجديدة المتاحة دلوقتي خصوصا مع الانخفاضات المستمرة خلال الفترة الأخيرة بقيم الأوفر برايس اللي بدأت عدد من المعارض وتجار السيارات في تعديلها من جديد بعد الانفراجة الكبيرة في أزمة نقص العملة الأجنبي وتوافر سيولة دولارية كبيرة في البنوك والقضاء على قوايم انتظار الحصول عل الدولار للشركات والمستوردين. وفي الفيديو ده هنقولك أرخص 5 عربيات جديدة متاحة للشراء أمام عملاء السوق المصري وتبدأ أسعارها من430 ألف جنيه.
وأول عربية هنتكلم عنها هي بروتون ساجا وبتتوفر بفئتين من التجهيزات بسعر رسمي يبدأ من 430 ألف جنيه للفئة الأولى، والفئة التانية بسعر 465 ألف ا.
وبتعتمد ساجا الجديدة على محرك صغير سعة 1.3 لتر بقوة 89 حصان، عزم أقصى 120 نيوتن. متر، متصل بناقل حركة أوتوماتيك من 4 سرعات.
وتانى عربية هي سوزوكي سبريسو وبتتوفر إسبريسو في السوق المصري بفئة واحدة من التجهيزات سعرها 550 ألف جنيه.
وبتعتمد سوزوكي إسبريسو على سواعد محرك بنزين صغير ثلاثي الاسطوانات سعة 1.0 لتر بقوة 67 حصان عند 5500 لفة في الدقيقة، وخزان وقود سعة 27 لتر.
وبتتوفر السيارةي بناقل حركة من 5 سرعات، ويمكنها الانطلاق من الثبات حتى 100 كم في 14.3 ثانية، وبتبلغ سرعتها القصوى 150 كم/س.
نيسان صنى هي كمان واحدة من أرخص العربيات فى مصر .. وبتتوفر نيسان صني 2024 المجمعة بمصانع الشركة اليابانية في مصر بـ4 فئات بسعر رسمي يبدأ من 695.400 جنيه للفئة الأولى ، و726.500 جنيه للتانية، والفئة التالتة بـ747 ألف جنيه، والفئة الرابعة تباع بـ761 ألف جنيه.
وتعتمد سيارة نيسان على محرك 4 سلندر سعة 1500 سي سي، مرتبط بناقل حركة أوتوماتيكي من 4 سرعات ويدوي من 5 سرعات، بقوة 108 حصان.
شيري أريزو 5 واحدة من أهم العربيات اللى سعرها على أد الايد وبتعتمد على سواعد محرك رباعي الاسطوانات سعة 1.5 لتر بقوة 114 حصان، مرتبط بنوعين من نواقل الحركة الأول يدوي ويتوفر بالفئة الاولي، والتاني أوتوماتيك من 6 سرعات بتقنية CVT.
وبتتوفر شيري أريزو 5 موديل 2024 بـ 3 فئات من التجهيزات بسعر رسمي يبدأ من 740 ألف جنيه، 785 ألف جنيه للفئة الثتنية، بينما قدمت فئة السيارة التالتة مقابل 820 ألف جنيه.
واخر عربية معانا فى القايمة دي هي بى واي دي اف 3 اللى بتباع الفئة الأولى موديل 2024 بناقل حركة يدوي بـ 750 ألف جنيه، والفئة المزودة بناقل أوتوماتيك يبدأ سعرها من 850 ألف جنيه.
وبتقدم بي واي دي F3 المجمعة بمصانع الشركة في مصر بمحرك 4 سلندر، سعة 1500 سي سي، بقوة 108 حصان عند 5800 دورة في الدقيقة، وعزم 145 نيوتن.متر عند 4800 دورة في الدقيقة.
