انتهت السبع العجاف وأزمة الدولار بلا رجعة.. ملامح ولاية السيسي الجديدة

ليه الأيام الجاية مختلفة في مصر كلها وليه هنشوف حالة جديدة في الأسواق والاقتصاد وظروف المعيشة.. وإيه هي ملامح الفترة الجاية.. خليكم معانا وهنعرف كل التفاصيل.

مفيش حد في مصر مشافش ولا عاش الشهور الصعبة واللي شدت أكتر وكانت عام ذروة الازمات في 2023 واللي وصلت فيها الأمور للحلقوم مع الناس بسبب الغلاء والأسعار الفلكية بعد خروج الدولار عن السيطرة في السوق السودا ووصل 74 جنيه وظهور مافيا الأسواق والاحتكار والتلاعب وحبس السلع وكانت الأسعار بتتغير كل نص ساعة وعلى حسب المزاج في وقت كانت الحكومة بتسابق الزمن عشان تحل أزمة الدولار وبتحاول تسد الثغرات الخطيرة وتوفير تمويلات خارجية وفي نفس الوقت عندها مشكلة مع صندوق النقد الدولي واللي كان مصر على التعويم في وقت كان هيكون فيه كارثة على كل المستويات لو تم تحرير سعر صرف الجنيه من غير احتياطيات وخد معاك تصنيفات دولية سلبية ومفيش استثمار مباشر ولا قروض ومقابل ده طلب بيزيد كل يوم على الدولار والبضايع نايمة في المواني وسوق موازية متوحشة ومؤامرات داخلية وخارجية وصراعات على الحدود من كل ناحية وتهديد الملاحة في البحر الأحمر وكان مشهد صعب جدا وأيام وشهور عجاف نجت منها مصر بأعجوبة.
الحقيقة المشهد قبل صفقة رأس الحكمة كان سوداوي وسيء ويائس لكن قدرت الحكومة إنها تنتصر في النهاية على كل الازمات دي مرة واحدة بعد توقيع الصفقة واللي حصل بعدها كلنا عارفينه من تحرير سعر الصرف وانتهاء السوق الموازية واتفاق صندوق النقد وتعديل التصنيفات وبداية عودة المليارات الساخنة وحددوث انفراجة في اغلب الاسواق وبداية نزول الأسعار في السلع  وانتهاء أزمةالدولار للأبد.

مصر خدت نفسها الحقيقي بعد زوال شبح أزمة الدولار واللي كانت الأب الشرعي لكل الظروف العصيبة اللي مرت بيها البلد.. لكن الأيام الجاية فيه كلام مختلف تماما ومصر هترجع تنور تاني اقتصاديا وماليا وهترجع تكون عامل الجذب والاستثمار مع الولاية الجديدة للرئيس السيسي واللي هتبدأ خلال ساعات بعد حلف اليمين الدستورية التلات اللي جاي.
كل المؤشرات بتقول إن الولاية الجديدة هتكون كلها خير وتقدم وانطلاق لسبب بسيط وهو إن مصر عاشت أصعب الحالات واللي جاي هيكون مختلف وهتكون في أول ساعات الولاية الجديدة لأن الرئيس هيعلن عن مفاجأت في الملف الاقتصادي تحديدا وهيكون فيه بداية جديدة بحكومة جديدة ودماء جديدة وفكر مختلف وأداء من نوع تاني.. ولاية مش هتكون عادية لكن هتكون ولاية الهروب للمستقبل بعد قهر المستحيل وهزيمة مؤامرات الفتنة في 2023 وتفويت الفرصة على دعاة التحريض واشعال الحرائق وبث الأكاذيب وترويج افكار الفوضة وتزييف وفبركة الحقائق.
اللي عاوزين نقوله إن اللي جاي كله هيكون شغل على مدار 24 ساعة ومش هيكون فيه مجال للتراخي وهتحصل انطلاقات قوية في قطاعات الاقتصاد وكل ده هيتم الاعلان عنه خلال الاسبوع ده ومش كلام وبس وهنشوف وهنسمع كل التفاصيل من الرئيس نفسه.