مفاجأة الدولارفي مايو.. إيه اللى هيحصل بعد 30 يوم
يا ترى ايه اللى هيحصل بعد 30 يوم فى مصر؟ وايه المفاجأة السعيدة بخصوص سعر الدولار؟ وايه علاقة اللى هيحصل بتنصيب الرئيس السيسي لو لاية جديدة؟
من شهر فبراير اللى فات الأخبار السعيدة بدأت تهل على مصر وكانت البداية بالاعلان عن الصفقة الكبرى يوم 23 فبراير .. صفقة رأس الحكمة واللى من خلالها نجحت مصر فى توفير 35 مليار دولار استثمارات أجنبية مباشرة هتدخل البلد خلال شهرين.. وتقدر كده تقول ان الصفقة دي كانت وش السعد على مصر ومن بعدها الأوضاع اختلفت تماما اختلفت على كل المستويات يعنى مثلا صندوق النقد بعد ما كان مطلع عين الحكومة فى قرض ال 3 مليار دولار قررزيادة القرض الى 8 مليار وكمان خلص المراجعتين الاولى والتانية للقرض الاول وصرف شريحتين من القرض بقيمة حوالى 820 مليون دولار ومن بعده الاتحاد الاوربي هو كمان اعلن عن دعم بقيمة 8 مليار دولار وخلال فترة بسيطة مصر اتفقت على تمويلات فى حدود ال 60 مليار
طب ايه بقا المتوقع يحصل فى مايو ؟
معظم التمويلات اللى مصر اتفقت عليها لسه ما وصلتش يعنى مثلا ال 35 ملياردولار بتوع صفقة راس الحكمة وصل منهم 10 مليار دولار ومنهم 5 من الوديعة الاماراتية اللى كانت اصلا فى حوزة البنك المركزي وباقي 25 مليار منهم 6باقي وديعة الامارات فى المركزي و19 مليار دولار باقي الصفقة
ودول هيوصلوا امتى؟
السؤال ده جاوب عليه الدكتور مصطفى مدبولى، رئيس مجلس الوزراء وأعلن إن مصر هتحصل على الدفعة التانية من صفقة تطوير مدينة رأس الحكمة بقيمة 20 مليار دولار مطلع شهر مايو يعنى بعد حوالى 30 يوم من دلوقتي
وهل فيه فلوس تانية هتدخل ؟
فيه طبعا سيولة دولارية تانية هتدخل مصر فى شهر مايو ومنها اموال من صندوق النقد الدولي اللى مجلسه التنفيذي وافق مؤخرا بصورة رسمية على زيادة التمويل المقدم لمصر من 3 الى 8 مليار دولار .. وقال الصندوق في بيان ليه إن الزيادة هتسمح لمصر بسحب نحو 820 مليون دولار فورا.. وأعلن ان الحكومة المصرية بتنفذ خطة قوية لتحقيق الاستقرار الاقتصادي لتصحيح الأخطاء في السياسات مع التركيز على تحرير نظام الصرف الأجنبي وتشديد السياسة المالية والنقدية، وخفض الاستثمار الحكومي، وإتاحة مساحة أكبر للقطاع الخاص"
وهيتبع موافقة الصندوق على زيادة التمويل بدءصرف شرائح جديدة من القرض متوقع تكون بدايتها فى شهر مايو
وفيه سيولة دولارية هتدخل مصر من الاتحاد الاوربي فى اطار برنامج الدعم اللى اعلن عنه الاتحاد واللى هيوصل الى حوالى 8 مليار دولار
وتأثير ده ايه على سوق العملة وعلى سعر الدولار؟
طبعا هيكون ليه تاثير قوي جدا على سوق الصرف وعلى قوة الجنيه لأن سعر الدولاربيتراجع فى البنوك واول ما السيولة الدولارية الضخمة دي توصل مصرمؤكدسعر العملة المريكية هيتراجع بشكل كبير خصوصا ان معظم تقاريرمؤسسات التمويل الدولية بتتكلم عن استعادة الجنيه لجزء من قيمته من دلوقتى لحد نهاية 2024
وسعر الدولار ممكن يوصل كام؟
وفقا لتقارير كتير السعر العادل للدولار هيكون ما بين 40 اغلى 45 جنيه وان ده هيحصل قبل نهاية السنة المالية الحالية فى يونيو الجاي وعشان كده فيه مفاجآت كتيرة حلوة للمصريين فى شهر مايو الجاي
