مشروع عالمي.. ايه اللي بيحصل تحت البحر بين مصر والسعودية

ايه اللي بيحصل تحت البحر بين مصر والسعودية وايه حكاية المشروع العملاق اللي بيتم بين البلدين.. تعالوا نشوف ايه القصة

خبر مهم محدش خد باله منه وسط زحام الأخبار الاقتصادية الايجابية في مصر اليومين دول وبيقول إن شركة بريزمن الإيطالية بدأت بالفعل تركيب الكابل البحري للربط الكهربائي بين مصر والسعودية وبدأت عمليات إنزال الكابل تحت مياه البحر الأحكر.

وحسب المعلومات المتوفر بيتجاوز طول الكابل البحري  20 كيلومترا، وتم تعديل مسار الكابلات لعدم الإضرار بالبيئة أو الشعب المرجانية، وبتكلفة إجمالية لتركيب الكابلات البحرية 220 مليون يورو وخلي بالك دي تكلفة التركيب بس مش الكابل نفسه.

تركيب الكابل البحري العملاق بين مصر والسعودية جزء من مشروع  ضخم للربط الكهربائي بين مصر والسعودية، بيشمل إنشاء 3 محطات تحويل جهد عال في شرق المدينة المنورة وتبوك في السعودية، ومحطة بدر في القاهرة، وبتربط بين المحطات خطوط نقل هوائية يصل طولها إلى 1350 كيلومتراً، وكابلات بحرية في خليج العقبة تتجاوز 20 كيلومتراً ضمن حزمة كابلات بحرية بين البلدين في المشروع العملاق.

ومش كده وبس فيه شركات تانية في البلدين بتكمل المشرع واللي بيشمل تركيب وإنشاء الخطوط والكابلات في تبوك وبدر والمدينة المنورة، وفيه تقدم كبير في الأعمال اللي بتم في السعودية ومصر في وقت واحد.

ووصلت معدلات تنفيذ أعمال مشروع الربط الكهربائي بين مصر والسعودية 35% حاليا، ومن المقرر تشغيل المرحلة الأولى من المشروع بقدرة 1500 ميجاواط منتصف السنة الجاية 2025، والمرحلة التانية في نوفمبر من العام نفسه بقدرة 1500 ميجاواط.

وبتوصل تكلفة تنفيذ مشروع الربط الكهربائي بين مصر والسعودي وقدرته الاجمالية 3 آلاف ميجاواط إلى 1.8 مليار دولار، وبيشارك في تمويله البنك الإسلامي للتنمية والصندوق العربي والصندوق الكويتي .
طيب حد ممكن يسأل إيه فايدة المشروع مهو السعودية عندها طاقة كهربائية ومصر عندها فائض رغم الانقطاعات وتخفيف الأحمال لكن تخفيف الأحمال سببها الغاز مش نقص القدرة الكهربائية واحنا عارفين إن مصر عملت مشروعات عملاقة في القدرات الكهربائية لكن أهمية المشروع في الاستفادة من الفائض بين البلدين في وقت الذروة واللي بتختلف بين مصر والسعودية يعني مثلا في وقت الذروة في مصر وخاصة في الصيف تقدر تستورد كهربا من  السعودية من نفس الشبكة بعد الشبكتين والعكس صحيح السعودية تستعين بكهربة مصر وقت الذروة عندها ودا هيوفر في الوقود وفي انشاء محطات جديدة وفي التكلفة طبعا.
وأكيد كمان إن المشروع بيعتبر ليه بعد استراتيجي في الأمن القومي للطاقة يعني كل بلد سواء مصر أو السعودية ضمنت مورد كهرباء ضخم في بلد تانية لو حصل اي طاريء وده بيدي أمان أكتر في مجال الطاقة في البلدين وللسمتثمرين وكل قطاعات الاقتصاد.