لأول مرة في تاريخه.. الاتحاد الأوربي يكسر القوانين من أجل مصر.. شوف اللي حصل

معروف ان الاتحاد الأوربي مش بياخد أي إجراء خاص بالعلاقات مع الدول التانية إلا من خلال مراحل برلمانية وقانونية وموافقات ونادرا ما يحصل استثناءات .. ايه اللي حصل مع مصر وليه الاتحاد الأوربي كسر القوانين عشان خاطر مصر تعالوا نشوف الحكاية إيه
 

زي ما احنا عارفين إن نص قادرة أوروبا كانوا في مصر من ايام قليلة وأعلنت أوروبا ترفيع العلاقات مع مصر لمستوى الشراكة وكمان تخصيص حوالي 8 مليار دولار لمصر ما بين منح ومساعدات وتمويلات ميسرة.. طيل ده معروف واتنشر في كل وسائل الإعلام.. إيه بقي الجديد.

شوف حضرتك من ساعات رئيسة المفوضية الأوروبية أورسولا فون دير لاين، عملت مؤتمر صحفي مخصوص وأعلنت حاجة غريبة ومش معتادة في اروقة الاتحاد الاوربي وأعنلت إن الاتحاد الأوروبي قرر التعجيل ببعض المساعدات المالية المخصصة لمصر، وده عن طريق استخدام إجراء تمويل عاجل يتجاوز الرقابة البرلمانية وضمانات أخرى... وخلي بالك من عبارة يتجاوز الرقابة البرلمانية وضمانات تانية يعني الاتحاد قرر يصرف لمصر المساعدات من غير ما يتسني بقية الاجراءات القانونية في ميثاق الاتحاد ودي شيء نادر جدا الحدوث.

طيب المبلغ اللي هيصرفه الاتحاد الاوربي بشكل عاجل يطلع كام.. شوف يافندم وكالة أنباء أسوشيتد برس الأمريكية، كتبت وقالت إن أووربا هتصرف مبلغ مليار يورو (ما يعادل 1.1 مليار دولار) وه جزءاً من حزمة مساعدات الـ سبعة مليار و400 مليون يورو بما يعادل (8 مليارات دولار) من المساعدات المالية الموجهة لمصر الل أعلن عنها الاتحاد الأوروبي يوم 17 من شهر مارس الحالي.

وفسرت الوكالة الأميريكية اسباب تسريع أوروبا بالمساعدات لمصر بسبب خوف وقلق اوروبا من تزايد الضعوط  الاقتصادية على مصر وتأثير الصراعات الإقليمية والخوف من انفجار موجات هجرة غير شرعية من المهاجرين من المنطقة إلى شواطئ أوروبا وخاصة إن مصر بتستوعب ملايين المهاجرين واللاجئين ولو حصل أي ضغوط زيادة على مصر هيزيد احتمال استقبال الشواطيء الأروبية لملايين المهاجرين.

وزي ما قلنا الوكالة الامريكية استغربت من التصرف الاروبي وقالت إنه نادراً ما يتجنب الاتحاد الأوروبي فرض ضمانات، وموافقة البرلمان الأوروبي واللي داخل على انتخابات وممكن يعطل المساعدات الاوربية العاجلة لمصر ودا مش في مصلحة اوربا طبعا وفي نفس الوقت الاستثناء اللي لجأ إليه الأوربيين مع مصر بيأكد على محورية الدور المصري والشراكة الجديدة واللي هتفتح مجالات تعاون ضخمة واستثمارات كبيرة.