هتنزل مع مرتبات أبريل.. شوف هتقبض كام من منحة عيد الفطر

كل الناس بتستني القبض والمعاشات عشان فترة الأعياد ومصاريف رمضان .. ايه الجديد وإيه هي مفاجأة وزارة المالية لملايين الموظفين وإيه حكاية منحة العيد وهتتصرف إمتى.. خليكم معانا للاخر

لو انت مستني قبض ابريل اللي جاي فأكيد فيه مفاجأة في انتظارك ومكنتش عامل حسابها وأكيد هي مفاجأة حلوةى.. لأن كتير من الوزارات والجهات في مصر قررت تصرف منحة عيد الفطر للموظفين وأصحاب المعاشات كمان كتقليد سنوي لكن المرة دي بتختلف تماما وهي إن فيه زي توجيهات لزيادتها وتوسيع قاعدة المستفيدين منها ضمن اجراءات الدولة للتخفيف عن ملايين الموظفين خاصة في فترة الأعياد اللي داخلين عليها وكمان فيه مفاجأة تانية إن المنحة دي هتتصرف بدري مع مرتب شهر إبريل واللي فيه كلام إن الحكومة هتقدم موعد صرفه.

نرجع لموضوع منحة عيد الفطر .. شوف لو حضرتك موظف أو على المعاش وزارة المالية وضعت ضوابط صرف منحة عيد الفطر 2024، واللي هيتم صرفها مع مرتبات ومعاشات شهر أبريل.
ومن شروط استحقاق منحة عيد الفطر 2024 إن الموظف يكون أدى أداء متميز والمنحة هنا بتكون زي مكافأة للموظفين الللي قدموا أعمال غير اعتيادية وعلى فكرة منحة العيد مش مرتبطة بالمناسبات أو الأعياد لكن الجهان والوزارات بتفضل تصرفها في الأوقات اللي بيكون فيه ضغط مصاريف على الأسر المصرية زي شهر رمضان أو الأعياد أو في ظرف اقتصادي معين.

وبخصوص قيمة المكافأة أو المنحة فهي بتتحدد بمبالغ وفق لالمادة 74 من قانون الخدمة المدنية رقم 81 لسنة 2016 وهي بتصرف أو تخصم من الموارد الذاتية للجهات وبتختلف ضوابط صرف المنحة من جهة لأخرى، وبيُنصح بالاستفسار من الجهة اللي شغال فيها عن تفاصيل صرف منحة عيد الفطر المبارك لهذا العام 2024. واللي متوقع ينزل بيها بيان تفصيلي في الايام الجاية واللي أكيد هيكون فيها مفاجأة زي ما قلنا من حيث القيمة والتوقيت وهتدخل فيها فئات جديدة من الموظفين بحيث تكون عيدية الوزارات والهئات للموظفين بتوعها.