خطة السيسي لاعادة بناء التعليم والصحة في الفترة الرئاسية الجديدة

علي مدار سنين طويلة، قطاعات الصحة والتعليم مكانوش واخدين حقهم بالشكل المطلوب من الدولة، وكان فيهم اهمال كبير وتقصير اكبر من الخطة الاقتصادية للدولة، علشان كان في تركيز علي قطاعات تانية الدولة شايفة انها كانت الأهم في وقت من الأوقات.. يا تري هل الدولة في الفترة الرئاسية الجديدة هتكون ماشية بنفس فكر السنين اللي فاتت ولا اية الدنيا.. واية الجديد اللي هتضيفه الحكومة في الفترة الرئاسية الجديدة.

تمهيش قطاعات التعليم والصحة في الدولة علي فترات طويلة خلق فجوة كبيرة في المستويات التعلمية وترتيب مصر في الاحصائيات العالمية لمؤشرات التعليم، بالاضافة الي التدهور الكبير والفساد الكبير اللي موجود في مجال الصحة، واللي انعكس علي صحة المواطنين واللي ادي لانتشار امراض كتيرة، وبقي صعب علي اي مواطن انه يقدر يواجها الا بتدخل مباشر من الدولة لتوفير الادوية والمستشفيات المطلوبة والمخصصة لعلاج النوع ده من الأمراض.
الدولة شافت ان جه الوقت المناسب علشان تبص بنظرة تانية لكل قطاعات الدولة خصوصا الصحة والتعليم وده بعد النجاح الكبير للأجهزة الدولة في انهم يقضوا علي اهم مشكلة لمصر في الالفية الجديدة وهي توفر الدولار والسيولة النقدية اللازمة لعمليات تصحيح المسار والتنمية الصحية والتعليمية والاقتصادية وكمان تقضي علي السوق السودا اللي كانت بتهدد بوقوع اي نجاح هتعملة الدولة في اي قطاعات من القطاعات خصوصا ان طول ما في سوق سودا في التجارة بالعملات مش هيكون في اي تقدم اقتصادي وبالتالي مش هيكون في اي تقدم في الخدمات اللي بتقدمها الدولة للمواطنين.
طيب اية الجديد اللي هتعمله الدولة علشان تنهض بقطاعات الصحة والتعليم في الفترة الرئاسية الجديدة؟.

الدكتورة هالة السعيد وزيرة التخطيط قالت أن الخطة الاقتصادية لمصر بتستهدف زيادة حوافز استثمار القطاع الخاص علشان مساهمته تزيد في تقديم الخدمة الصحية من 30% إلى 50% بحلول عام 2030، من خلال توفير الكوادر الطبية لتشغيل المستشفيات والوحدات الصحية وتوفير أطقم المسعفين لضمان الاستفادة من الاستثمارات الضخمة اللي هتوجهها لقطاع الصحة، ده غير توفير الاستثمارات اللازمة لقطاع الصحة.
وزيرة التخطيط قالت ان الدولة بتستهدف الانتهاء من تنفيذ 58 مستشفى، واستكمال تطوير وتجهيز 55 مستشفى تتبع أمانة المراكز الطبية المتخصصة، واستكمال تطوير وتجهيز المراكز والوحدات الطبية، واستكمال ميكنة المستشفيات الجامعية، والعمل على ضبط النمو السكاني وتنمية الأسرة المصرية، واستكمال المدينة الطبية بمعهد ناصر، وإقامة 246 مشروعًا بالمستشفيات الجامعية.

وزيرة التخطيط اتكلمت كمان علي النهوض بالمنظومة التعليمية وقالت أن الدولة بتستهدف إتاحة وجودة خدمات التعليم قبل الجامعي من خلال التوسع في إتاحة مدارس المتفوقين والمدارس التطبيقية لتغطية عدد أكبر من المحافظات وتوجيه الاستثمارات لإنشاء فصول جديدة لحل مشكلة الكثافات خصوصا في المحافظات اللي فيها كثافات مرتفعة، وزيادة الاهتمام بتأهيل المدارس للحصول على الجودة، وتعيين 150 ألف معلم لضمان جودة التعليم والتشغيل الجيد للمدارس الجديدة، خصوصا في مرحلة التعليم الأساسي وهيكوت في تركيز المحافظات ذات الأولوية، وان الدولة حطت خطة لخفض معدلات الأُمية من خلال التركيز على محافظات الصعيد.

السعيد فندت بنود خطة تطوير التعليم وقالت أن الحكومة بتستهدف تطوير 3500 مدرسة وإنشاء 16 ألف فصل جديد، وإحلال وتجديد 13 ألف فصل، وتوفير التابلت لطلاب الصف الأول الثانوي، ده غير إنشاء 18 مدرسة تكنولوجيا تطبيقية، وإنشاء ألف فصل جديد، وتطوير 200 مدرسة وإحلال وتجديد 1083 فصل خاصين بالتعليم الفني .