دعاية بـ100 مليار دولار.. قفزة متوقعة في السياحة المصرية

ايه الكنز اللي مصر لسه مستغلتهوش بشكل مثالي وحكاية ال100 مليار دولار دعاية مجانية وايه شكل السياحة المصرية بعد اللي حصل.. وهو ايه اللي حصل.. تعالوا نشوف مع بعض

مصر اكتر بلد في العالم فيها حضارة وآثار متنوعة من آلاف السنين وفيه اهم عجيبة من عجائب الدنيا السبع وهي الاهرامات وعندها اغلى قطعة اثار قي في العالم وهي قناع توت عنخ امون وعندها كمان كنوز مدفونة لسه بتطلع وزمان قالو لو حفرت ايدك في أي مكان في مصر هتلاقي اثار وده عشان مصر فيها آثار ملهاش اخر .. طيب إحنا استفدنا من الإمكانيات دي وكمية الآثار  وتنوعها..

للاسف مصر لسه موصلتش بالشكل اللي يخليها على قدر الكنوز اللي عليها واللي المفروض تستقبل على الأقل 100 مليون سائح سنويا بإيرادات 100 مليار دولار في السنة ودي مش كتير علي مصر الحضارة بدليل فيه دول تقريبا معندناش اثار وعايشة سياحة على بعض الآثار المتهربة من مصر وبتجيب 70 مليار دولار في السنة وعشان كده الحكومة حطت لاول مرة خطط لتطوير المناطق السياحية والترويج وقبل ده كله حطت خطط لاستيعاب اي اعداد زيادة في السياح وده لان السياحة صناعة كاملة ومتكاملة ولازم عشان تبقي بلد سياحي يبقي عندك بنية أساسية قوية من طرق ووسائل مواصلات حديثة وفنادق وقرى سياحية تستوعب الزيادة بخلاف ثقافة التعامل مع السياح وانشاء صناعات مغذية للقطاع السياحي لأن القطاع ده لما بيشتغل بيشغل باقي قطاعات الدولة من طيران ونقل وزراعة وصناعة وخدمات وفرص عمل.

ليه طيب بنتكلم عن السياحة المصرية النهاردة.. عشان حاجات كتير جدا أولها أن مصر ممكن وتقدر تحل كل مشاكلها من قطاعات السياحة لوحده لو استثمرت فيه وطورته بشكل صحيح وممكن تكون السياحة بوابة لمليارات الدولارات كل سنة ومن الحاجات التانية اللي حصلت واللي قلبت العالم عن السياحة المصرية هي زيارة منتخب كرواتيا بكامل نجومه العالميين الي منطقة الأهرامات والكلام اللي قالوه على صفحاتهم الشخصية بمواقع التواصل الاجتماعي زي لوكا مودريتش احسن لاعب في العالم وباقي النجوم وحتى المدير الفني وكلهم قالوا كلام رائع جدا عن سحر مصر وحضارة الفراعنة تخيل كده واحد زي موريتش يتحول لمرشد سياحي مصري ويروج للسياحة المصرية ويبقي حديث مواقع التواصل العالمية والصحف ووسائل الإعلام وتخيل الراجل ده عنده كلم متابع على صفحاته وده غير بقية النجوم وغير منتخب نيوزيلندا واللي زار بردو الأهرامات وحجم الانبهار بالحضارة المصرية وكتبوا ده بردو على مواقع التواصل يعني دعاية ببلاش لو صرفنا 100 مليار دولار مكانتش هتجيب رد فعل زي اللي عمله نجوم العالم وشافهم وتابعم ملايين الناس والجماهير واكيد كتير منهم فكروا أنهم يزوروا مصر بعد اللي اتقال عنها من نجوم العالم وعشان كده لازم نستغل الحدث ونروح بيه ونجذب ملايين السياح لمصر