عيدية الحكومة للمواطنين.. شوف الاماكن اللي تقدر تشتري منها السلع بتخفيضات 20%

الحكومة طول الوقت حريصة أنها تكون مع المواطن المصري، وبتأكد بمرور الوقت انها مع المواطن وهتوفر له كل السلعة وبأسعار مناسبة، والسنة دي الحكومة عيدت علي الحكومة بدري شوية بـ15% و 20% في الأسعار وهتوصل لـ30% بعد العيد.. ها تري اية الحاجات اللي اسعارها هتنزيل في الاسواق وفين الاماكن اللي اقدر اشتري منها الحاجات باسعار مخفضة .

النهاردة السلاسل التجارية والهيبرات هتبدأ العمل بمادرة رئيس مجلس الوزراء لخفض الاسعار وده بعد الإجتماع اللي عقده امبارح الدكتور مصطفي مدبولي رئيس مجلس الوزراء مع التجار والمصنعين للعمل علي تحفيض اسعار السلع والزيوت بالاسعار وده بعد الضربات اللي عملتها الحكومة بالتعاون مع الجهاز المصرفي لتوفير الدولار اللازم للافراج عن السلع بالموانئ وخصوصا الزيت والأعلاف والأدوية والفول والعدس وغيرها.
طيب اية اللي حصل في اجتماع رئيس مجلس الوزراء مع التجار والمصنعين؟.
الدكتور مصطفى مدبولي رئيس مجلس الوزراء عقد اجتماع مع التجار والمصنعي من تجار السكر والحبوب والأرز والقمح والطحين والمكرونة والشاي والألبان والجبن والسمن والزبدة واللحوم والزيوت والسلع الهندسية والالكترونيات وممثلي كبريات السلاسل التجارية اللي بيمثلوا اكثر من 70% من حجم السوق بناء علي تليكفات الرئيس عبدالفتاح السيسي خصوصا بعد القرارات الكبيرة اللي اخذتها الدولة بالتعاون مع الجهاز المصرفي لتوفير احتياجات التجار والموردين والمصنعين من العملات الاجنبية من الدولار لشراء والافراج عن البضائع الموجودة في الموانئ من شهور.
لقاء الدكتور مصطفي مدبولي مع المصنعين والتجار، شهد حضور اغلب اصحاب الهيبرات والسلاسل التجارية الكبيرة واللي اكدوا بدأ تخفيض الاسعار من النهاردة وانه بالفعل تم خفض الاسعار ما من 25 إلى 30%، زي العدس اللي انخفض من 65 جنيها إلى 48 جنيهًا، والفول انخفض من 38 جنيها إلى 27 جنيها، وكذلك اسعار الارز.
الموريدن قالوا حاجة مهمة جدا لرئيس مجلس الوزراء، ان الاسعار اللي انخفضت دي هيا انخفضات في اسعار الجملة للتجار الصغيرين اللي بيشتروا منهم، لكن هما مش عندهم القدرة على التحكم في السعر النهائي اللي بيوصل للمستهلك واللي رفع الاسعار في الفترة الاخيرة كان منهم هما.
وعلي طول الدكتور مصطفي مدبولي رئيس مجلس الوزراء، وجه بالوصول لتجار التجزئة اللي بيتعاموا بصورة مباشرة مع المواطن، ووضع اليه لخفض الأسعار في جميع المنافذ والمحلات التجارية خصوصا ان اغلب التجار الصغيرين بيتعموا رفع الاسعار في اغلب الوقت، أن دور الدولة في الفترة الحالية أن المواطن بيحس بالإجراءات الإيجابية اللي بتقوم بها الحكومة لخفض الاسعار.

المدير العام لسلاسل كارفور، أكد ان فروع الشركة ملتزمة بتعديل قوائم اسعار السلع والزيوت في كل الفروع اللي تابعة لهم، ده بناء علي الالتزام اللي اخذته الدولة مع كل التجار والمصنعين والموريدن لخفض الاسعار بعد ما الدولة وفرت لهم الدولار اللي كان بالنسبة لهم ازمة للافراج عن البضائع في الموانئ.
الدكتور علي المصيلحي وزير التموين والتجارة الدخلية قال أن الدولة بدأت الإفراج عن معظم الخامات المطلوبة واللي كانت موجودة في الموانئ، وان السوق بدأت تستجيب نسبياً لبعض التخفيضات وان التخفيضات في الاسعار هيكون بشكل فوري، وطالب منهم كتابة السعر علي السلع قبل المبادرة كان كام وبعد تطبيق المبادرة كام، والزم التجار بان تكون التخفيضات تترواح من 15 الي 20%، وفي بعض السلع هتكون نسبة التخفيض اكثر من 20% زي الفول والعدس.
وزير التموين كمل كلامه وقال ان اسعار الزيوت في الاسواق انخفضت يعني الازازة اللي كان سعرها 100 جنية لازم يكون سعرها دلوقتي 80 جنيهاً ويكون الحال علي كده في كل السلع التانية اللي المواطن بيحتاجها بشكل يومي .