الحق اشتري دلوقتي.. 500 الف جنيه انخفاض في اسعار العربيات

العربيات واحدة من الحاجات اللي موجودة في مصر واللي اسعارها اعلي بكتير من سعرها الحقيقي، وكان الحجة الجاهزة للتجارة في الفترة اللي فاتت يقولك شوف الدولار دلوقتي بكام، لكن بعد ما الدولة وفرت الدولار بسعره الرسمي في البنوك حصل انخفاض كبير في اسعار العربيات وحاليا في موديلات كتيرة بقت مناسبة للمواطنين انهم يشتروا باسعارها المعقولة.. يا تري اسعار العربيات دلوقتي وصلت لكام ونسبة التخفيض في الموديلات كام
 

خطة الحكومة للقضاء علي السوق السودا ووجود سعرين للدولار في مصر كان لها انعكاسات كبيرة علي كل السلع والخدمات واللي اسعارها انخفضت بشكل كبيرة عن الفترة اللي قبل ما الحكومة توفر الدولار بسعره الرسمي في البنوك للتجار والمصنعين والمورين، وحاليا المواطن بدأ يحس بجهود الحكومة في توفير السلع خصوصا انها في الوقت الحالي بقت متاحة ومتوفرة بسعرها الحقيقي في الاسواق.
العربيات واحدة من الحاجات اللي سعرها وصل في السوق المصري لاسعار غير حقيقة لاسعارها العالمية بكتير، ووصل سعر انواع منها عندنا هنا في مصر لارقام خرافية ، ودي كانت واحد من اسباب ركود سوق السيارات في مصر، بس الفترة الاخيرة بدأت اسعارها تنزل بشكل معقول، وبقت اسعارها حاليا قريبة من اسعارها الحقيقية، يعني مش هتسمع الأسعار اللي كنت بتسمعها في العربيات قبل كده، وفي علامات تجارية وصل تخفيض الأسعار الرسمية فيها لـ 500 ألف جنيه.
طيب اية هيا اسباب نزول اسعار العربيات في الفترة دي، واية هيا الموديلات اللي اسعارها نزلت وبقت متاحة للمواطن يشتريها؟.
علاء السبع، عضو الشبعة العامة للسيارات بالاتحاد العام للغرف التجارية، أكد إن فيه تراجع في جميع أنواع اسعار العربيات في الأسواق خصوصا اللي العربيات ذات المنشأ الأوربي واللي تحت 1600 سي سي، وده بعد الحصيلة الدولارية الضخمة اللي دخلت خزينة الدولة من صفقة الاستثكار السياحي في رأس الحكمة والمصادر الدولار التانية اللي الحكومة اشتغلت عليها واللي وفرت سيولة دولارية بالاضافة الي تحرير سعر الصرف واختفاء السوق السودا في التجارة بالعملة.
السبع كمل كلامه وقال انه مع بداية عام 2024 حدث تراجع في أسعار السيارات تخطى 25%، ومع تحرير سعر الصرف في البنوك، ارتفعت أسعار السيارات مرة تانية بنسبة 10% وده بسبب ارتفاع سعر الدولار الجمركي واللي تجاوز30%، واخيرا تراجعت كل اسعار انواع العربيات في الاسواق بنسبة 15% بعد انخفاض سعر الدولار في البنوك.
وبسبب تراجع اسعار الدولار في البنوك انفضت اسعار العربيات المحلية بنسبة تجاوزت 20% زي النسيان وشيري واي دي، وده طبعا اثر بشكل كبير علي اسعار العربيات المستعملة والي وصل اسعار انواع منها زي تيجو 2023 لـ 990 ألف جنيه بنسبة تراجع 20%.، والعربيات ماركة mg zs 2023، وصل سعرها لمليون و100 ألف جنيه، بنسبة انخفاض 15%، والعربيات فولكس فاجن جولف موديل 1987 وصل سعرها 120 ألف جنيه، والعربيات بروتون ويرا 2004،وصل سعرها 86 ألف جنيه وبيوصل في بعض الاحيان لـ 115 ألف جني علي حسب الكماليات الموجودة فيها، ووصل سعر العربية جيلي إمجراند EC 7 2013- لـ 140 ألف جنيه كحد أدنى، و 160 ألف جنية كحد اقصي وفقا لاختلاف الكماليات برضوا.
اما عن اسعار العربيات الجديدة فوصل سعر العربيات شيفرولية كابتيف لمليون و470 ألف جنيه، للنسخة الأولى خماسية المقاعد، وسباعية المقاعد وصل سعرها لمليون و520 ألف جنيه .
اما العربيات من موديل أوبل كروس لاند فانخفضت سعرها بقيمة 300 ألف جنيه للفئة توب لين كاملة التجهيز، ووصل سعرها حاليا لمليون 549 و990 جنيه، اما العربيات موديل أوبل موكا فانخفض سعرها بقيمة 350 ألف جنيه، ووصل سعرها حاليا لمليون990  الف جنيها، واخيراا العربيات موديل أوبل جراند لاند، فانخفض سعرها بقيم تترواح من  400 إلى 525 ألف جنيه، واسعارها حاليا بتبدامليون 945 الف جنيه .