بعد رأس الحكمة بوابة مليارات جديدة.. بشاير زيارة بن زايد لمصر

ايه اللي حصل في زيارة محمد بن زايد رئيس الامارات لمصر.. وايه حكاية الشراكة الجديدة وبوابة المليارات اللي جاية.. تعالو نشوف التفاصيل
 

كلنا عارفين إن رئيس الإمارات محمد بن زايد كان في مصر من ساعات لكن كتير مايعرفوش إنك كان معاه وفد ضخم ورفيع المستوى من الحقائب الوزارية الاقتصادية والمالية وهو أكبر وفد بيطلع مع رئيس الإمارات في زيارة خارجية ودا بسبب اهمية الزيارة لمصر والعلاقات المصرية الاماراتية المتميزة والخاصة.. طيب محمد بن زايد جاب الوفد ده كله وجي مصر ليه.
لو رجعنا لخبر الزيارة على وكالة الأنباء الاماراتية الرسمية وشفنا وصف الزيارة وتعبير الزيارة الأخوية هنعرف السبب وهي بعد صفقة راس الحكمة اللي غيرت موازين الاقتصاد في مصر وقضت على أهم وأخطر أزمة مرت بيها وهي أزمة نقص الدولار وتوحش السوق السودا واللي سببت كل الأزمات بعد كده هنعرف إن العلاقات مع الامارات أخدت بعد تاني خالص وده سبب زيارة رئيس الامارات ونص المسئولين في الدولة عنده وهي عمل شراكة دايمة وكاملة في كل المجالات ومش مجرد صفقات أو مساعدات أو ودايع لكن العلاقات اللي جاية هتكون شراكة واستمثمارات ضخمة دايمة في مصر.
وزي ماشفنا في البيان الرسمي للرئاسة المصرية الرئيس السيسي وضيف مصر، عقدو مباحثات واسعة وتناولت تعزيز مسارات التعاون الثنائي المتميز بين البلدين والفرص الواعدة؛ وده بهدف توسيع آفاق التعاون والاستثمارات إلى مستويات أكبر وتعزز الشراكة العميقة بين البلدين في مختلف المجالات الاقتصادية، والاستثمارية، والتنموية، والسياسية.
واحنا بما اننا عارفين علاقة المصريين بالاماراتنيين سواء على المستوي الشعبي أو على المستوي السياسي من أيام الشيخ زايد الله يرحمه وحبه لمصر وشعبها ونصايحه دايما للاماراتيين إنهم يستثمروا في مصر هنعرف معني التعاون الجديد اللي جاي في الطريق واكيد زيارة بالمستوي ده والشخصيات اللي فيها مش جايين يسلموا ويروحوا بلدهم لكن أكيد فيه خطط واتفاقات ومفاوضات وشغل كبير جدا هيكون على الأرض في الشهور اللي جاية والامارات هتنزل بتقلها واللي جاي خير وتنمية واستثمارات مفتوحة وده اللي اتقال على هامش الزيارة المهمة للبلدين وللشعوب وهتشجع دول خليجية تانية ترفع مستوى علاقتها مع مصر على نفس المستوي للعلاقات مع الامارات .