بعد صفقة الامارات في رأس الحكمة.. تركيا تجهز مفاجأة لمصر
يا ترى ايه تفاصيل المشروع الضخم اللى تركيا ناوية تنفذه في مصر؟ وايه حجم الاستثمارات اللى هيضخها الأتراك ؟ وايه كمية فرص العمل اللى هيوفرها المشروع؟
من ساعات تم الاعلان عن توقيع مذكرة تفاهم بين الحكومة المصرية والحكومة التركية لوضع حجر الأساس لإنشاء منطقة صناعية لوجستية تركية بالمنطقة الاقتصادية فى مرسى مطروح في مشروع بيتضمن ضخ استثمارات مباشرة بأكتر من 7 مليار دولار.
ووقعت مذكرة التفاهم المجموعة المصرية للمحطات متعددة الأغراض الذراع التجارية لوزارة النقل في مجال النقل البحري و اللوجستيات مع تحالف إنفنتشر واحدى الشركات التركية الكبرى للبدء فى تنفيذ المشروع خلال الفترة المقبلة
وبتتضمن مذكرة التفاهم 6 شهور لعمل الدراسات و بدء التنفيذ الفوري في إجراءات المشروع و الحصول على الموافقات اللازمة وهيتولى التحالف خلال الفترة دي عمل دراسات جدوى للمشروع بالتعاون مع شركة المجموعة المصرية و للبدء فى إجراءات تدبير التمويل وعرضها على إحدى المؤسسات الدولية لتمويل مرحلة الإنشاء.
وبيستهدف المشروع توفير أكتر من 20 ألف فرصة عمل وضخ أكتر من 7 مليارات دولار كاستثمارات مباشرة بكافة مراحله.
واتلمشروع بيأتي في اطار سعي الحكومة لاستغلال موقع الميناء لتنفيذ عدة مشروعات من خلال التحالف لتصميم وإنشاء و إدارة و تشغيل ميناء تجارى ومناطق حرة ولوجستية و ربطها بشبكة السكك الحديدية ومحطة بضائع متعددة الأغراض ومحطة ركاب ومارينا يخوت ومنطقة صناعية.
والمشروع بيهدف إلى زيادة حجم التجارة مع الدول الأفريقية وتعظيم دور مصر فى أفريقيإ وكمان إنشاء ظهير لوجستي لصناعات تكميلية وصناعات القيمة المضافة وأنشطة التخزين لكل أنواع البضائع لاستغلال المساحة الهائلة غير المستغلة خلف الميناء و جذب الاستثمارات العالمية لكل القطاعات الاقتصادية زي (الصناعة- السياحة- لوجستيات – تكنولوجيا المعلومات) وإقامة مراكز سياحية عالمية زي مدينة العلمين ورأس الحكمة لتشجيع الأنشطة السياحية وزيادة نصيب مصر من الأنشطة دي وجلب سياحة الكروز وإنشاء مجتمع عمراني متكامل ومطار خاص بالمدينة.
وبعيدا عن المنطقة الصناعية التركية فيه فيه 5 من أكبر الشركات التركية بيجهزوا لضخ استثمارات ضخمة فى قطاع المنسوجات فى مصر والاستفادة من مناخ الاستثمار والتسهيلات غير المسبوقة اللى بتقدمها الحكومة للمستثمرين والاستثمرات الأجنبية المباشرة
حد هيسأل ويقول اشمعنا الأتراك مهتمين اوي كده بقطاع المنسوجات والملابس الجاهزة فى مصر؟
وعشان نرد على السؤال المهم ده تعالوا نقول لحضراتكم شوية ارقام يبينوا تركيا وصلت لفين فى قطاع المنسوجات
فى 2023 يعنى السنة اللى فاتت بس صادرات تركيا من الملابس الجاهزة بلغت 25 مليار دولار بسبب السمعة الطيبة اللى بيتمتع بيها المنتج التركي واستخدام منسوجات عالية القيمة فى الترويج للملابس التركية فى كتير من الدول والوصول الى اسواق جديدة فى كل حتة فى العالم تقريبا.
وكفاية تعرف ان 75% من صادرات تركيا من المنسوجات بتعتمد على السوق الأوروبية وهدف مصانع الملابس التركية من الانتقال إلى مصر هو التوجه للتوسع في الأسواق الأمريكية والعربية والإفريقية.. كمان الشركات التركية عندها حوالي 500 نقطة توزيع للبيع بالتجزئة في أفريقيا بالكامل بما فيها الدول العربية
