بشري سارة من الحكومة لاصحاب المعاشات قبل عيد الفطر

طبعا دلوقتي اغلب الناس وخصوصا الاباء والأمهات من اصحاب المعاشات بيبحثوا عن موعد صرف معاشات شهر ابريل اللي جاي خصوصا ان داخل علينا عيد الفطر المبارك كل عام وحضراتكم جميعا بخير، وده بعد تطبيق الزيادات الجديدة في الاجور والمعاشات اللي اقرها الرئيس السيسي في حزمة الحماية الأجتماعية الآخيرة.. يا تري بداية صرف المعاشات الجديدة امتي.. وهل هتكون قبل عيد الفطر ولا لا

المعاشات والتأمينات واحدة من اهم الالتزامات الحكومية اللي بتقدمها الدولة لكبار السن، خصوصا انها بتكون اول سند ليهم علشان يصرفوا منه علي بيوتهم والمستلزمات الأسرية اللي عليهم وغيرها وغيرها من اعباء الحياة اليومية، ومع بداية كل شهر ميلادي بيجي السؤال المهم امتي مواعيد صرف المعاشات والتأمينات خصوصا اننا داخلين علي فترة عيد الفطر، واللي كل اب وكل ام محتاجة يكون معاهم فلوس علشان كحك العيد والمصاريف الثانية.
الحكومة مراعاة للظروف الأجتماعية ودخول عيد اجازة عيد الفطر المبارك اعلنت عن تبكير مواعيد صرف المعاشات والتامنيات لاصحاب من كبار السن وغيرهم هتبدا الهيئة القومية للتامينات صرف المعاشات  اعتبارا من اليوم الاول لشهر ابريل وحتي الـ7 من نفس الشهر بالزيادة الجديدة التي أقرها الرئيس عبدالفتاح السيسي بنسبة 15%، في إطار حزمة القرارات اللي اخذها لتخفيف العبء على كاهل المواطنين واللي وصلت الحد الأدني ليها 170 جنيها، والحد الأقصى 1635 جنيها.
طيب ازاي كبار السن واصحاب المعاشات يصرفوا المعاش الشهري بتاعتهم وخطوات الصرف اية؟.
الحكومة في الفترة الحالية، منحت اصحاب المعاشات والتامينات فيز المعاشات في البنوك، يقدر من خلالها كبار السن واصحاب المعاشات يصرفوا منه من ماكينات الصرافة الآلي والمخصصة لصرف المعاشات بموجب فيزا كارت المعاش، ده غير مكاتب البريد بالقاهرة والمحافظات، للمواطنين اللي بيصرفوا يدويا، بالإضافة طبعا لمنافذ فوري وبنك ناصر الاجتماعي والمحافظ الإلكترونية، وهيوصل عدد المستفيدين من الزيادة الجديدة ما يقارب من 11 مليون مواطن .

طيب ازاي اصحاب المعاشات والتامينات يقدروا يتسعلموا عن نزول الفلوس في حساباتهم واية الطريقة لكدة؟.
الهيئة القومية للتأمينات الإجتماعية اتاحت كذا طريقة للاستعلام عن نزول الفلوس في حسابات المواطنين من خلال الدخول علي الموقع الرسمي للهيئة والبحث عن قسم أو خدمة الاستعلام عن المعاشات أو المدفوعات، وإدخال بعض المعلومات الشخصية زي الرقم القومي أو رقم البطاقة الشخصية للمستفيد، وبعدها هتظر كل المعلوماتالمتوفرة عن  المبالغ المستلمة ومواعيد الصرف وأي تفاصيل تانية هو عايزها، وممكن كمان المواطنين يستعلموا عن المعاشات من خلال الاتصال بخدمة عملاء الهيئة القومية للتأمينات الاجتماعية لمعرفة كل التفاصيل اللي همها عايزينها.
طيب هل في تسهيلات تانية بتقدمها الدولة لاصحاب المعاشات وكبار السن غير المعاش الشهري؟.
طبعا الدولة بتقدم تسهيلات كبيرة لاصحاب المعاشات وكبار السن زي التخفيضات النسبية فى تعريفة المواصلات بالسكك الحديدية، ووسائل المواصلات العامة المملوكة للدولة داخل المدن، وتخفيض فى أسعار دخول النوادي والمتاحف والمعارض ودور السينما والمسارح المملوكة للدولة، وتخفيضات علي نفقات الإقامة فى دور العلاج التابعة للجهاز الإداري للدولة، وتخفيضات علي  نفقات الرحلات التي ينظمها الجهاز الإداري للدولة أو الهيئات العامة و المؤسسات العامة أو الوحدات الاقتصادية التابعة لأى منها داخل الجمهورية وخارجها، ده غير الاولويات في التسهيلات اللي بيقررها مجلس إدارة شركة مصر للطيران بالنسبة لأجور السفر بطائراتها، وأولويات فى التيسيرات اللي بتقدمها الهيئة العامة لبنك ناصر الاجتماعي والبنوك والجهات الأخرى.