إلحق جهز ورقك.. تفاصيل الإعلان عن 1638 وظيفة في 13 محافظة
طبعا انت تلاقي وظيفة في الوقت الحالي شيء صعب جدا، خصوصا في ظل الأوضاع الاقتصادية الصعبة اللي بتعيشها اغلب الدول ومصر واحدة منهم بسبب التغيرات العالمية في الأسعار والارتفاعات الكبيرة في أسعار الطاقة اللي اثرت علي سوق الصناعة العالمية.. بس انا دلوقتي هقولك علي فاتحة فرص وظايف في اغلب محافظات مصر وبرواتب واجور كويسة جدا
طبعا اغلبا كشباب بنحفي علي ما نلاقي وظيفة، ولو لقيت غالبا هيكون مرتبها مش كده لا هيكفي مصاريف الشخصية ولا انك تجهز شقة علشان لو عايز تخطب او تتجوز، وبقي فرصة ان تلاقي وظيفة بمرتب يادوب يعيشك صعب وممكن تكون مستحيلة.
بس انا دلوقتي هقولك علي عدد كبير جدا من الشركات عندنا هنا في مصر فتحت باب الوظايف للشباب والخريجين وبمرتبات كويسة جدا تقدر من خلالهم تبدأ حياتك العملية، وتحقق كل احلامك.
طيب اية هيا الشركات والوظايف المتاحة فيها؟.
وزارة العمل، قالت أنها تلقت طلبات من 42 شركة من شركات القطاع الخاص في 13 محافظة لتوفير 1638 وظيفة متوفرة في اغلب التخصصات، ومنهم وظايف لأصحاب القدرات الخاصة وبرواتب بتبدأ من 3500 جنيه شهريا ده غير تأمين صحي واجتماعي، والتقديم فيها شغال حاليا ومستمر لحد شهر أبريل اللي جاي عن طريق مكتب الإدارة العامة للتشغيل بمقر الوزارة القديم بمدينة نصر، أو مديريات العمل بالمحافظات، أو الموقع الرسمي لوزارة العمل أو أرقام وعناوين الشركات اللي هنقول لحضراتكم عليها دلوقتي.
أما عن المحافظات الموجودة فيها فرص العمل الجديدة، فالوزارة قالت أن الوظايف دي متوفرة في 13 محافظة مختلفة وهما القاهرة والجيزة والقليوبية والغربية والفيوم والقليوبية ودمياط والمنيا وأسيوط وبورسعيد والإسكندرية والدقهلية والسويس .
نيجي بقي للسؤال المهم، وهيا التخصصات المطلوبة أية.. الوزارة أن التخصصات اللي طلبتها الشركات هيا مشرف فريق وسكرتارية وعضو فريق ومساعد مدير مطعم ومشرف مطعم ومهندسين كهرباء وميكانيكا وجودة ومبيعات وإنتاج وسكرتارية وتلي سيلز ومدرسين جميع التخصصات ومحاسبين ومشرف تغذية ماكينات وحجارين وأعمال إدارية ومدير صيانة ورسام هندسي ومندوب تسويق وبيع وموظفين ملاحة وموظفين حسابات ملاحين وأمين مخازن ومسؤول تمويل وسائقين رخصة أولى وثانية وثالثة وموظفين استقبال وأخصائيين تمويل ومسئولين تعيينات ومندوبين مبيعات وتوصيل ومراقبين جودة وفنيين جميع التخصصات ومشرفي إنتاج وأفراد أمن وعمال خياطة بكافة الأقسام وعمال انتاج وعمال نظافة .
طيب اخواتنا من أصحاب الهمم نسبتهم كام من فرص العمل دي؟.
وزارة العمل كملت كلامها وقالت، أن فرص العمل المتاحة لذوي الهمم بالمحافظات بتوصل لـ 5 % من بين إجمالى الوظايف، وده فى إطار تنفيذ خطة الوزارة بحصر وتدريب وتشغيل ذوي الهمم وإلزام المنشآت بتشغيل نسبة 5% من إجمالي عمالها من ذوى القدرات الخاصة تنفيذًا للقانون رقم 10 لسنة 2018.
طبعا انت دلوقتي بتقول الحقني بالمرتبات هتكون كام.. الوزارة أعلنت ان المرتبات في الوظايف اللي قولنا عليها لحضراتكم هتبدأ من 3500 جنيه لكل الوظايف طبقا لقرارات الدولة بتطبيق الحد الأدنى للأجور، وبتخلف الرواتب طبقا لطبيعة العمل .
