لو قعدت كرسي محجوز أو نمت على الرف هتدفع 5 آلاف جنيه.. قبل ماتركب القطر شوف الفيديو ده

ناس كتير بيلاقو نفسهم عرضة إنهم يدفعوا غرامات كبيرة سواء في القطارات أو المترو من غير ما ياخدوا بالهم من المخافات بسب عدم درايتهم بالتعليمات والتنبيهات.. تعالو نشوف أكبر غرامات الركاب في القطارات واحنا داخلين على مواسم أعياد وفيها السفر بيكتر

الهيئة القومية لـ سكك حديد مصر، بعد التطوير الكبير جدا في كل قطاعات الهيئة من محطات وقطارات حديثة وخدمات جماهيرية حديثة قررت فرض قواعد وقوانين جديدة للحفاظ على اللي اتحقق في قطاع السكة الحديد، وعشان اللي يغلط يدفع تمن غلطه ومايكررهوش تاني ويحذر منه قرايبه وصحابه.
ومثلا هيئة السكك الحديد بتحذر دايما ركاب القطارات على جميع الخطوط، من تكرار ظاهرة الجلوس على أرفف الحقائب ومتعلقات الركاب داخل عربات القطارات، ودا عشان الحفاظ على سلامة الركاب وعدم تعريض حياتهم للخطر، وكمان بتحر من الجلوس فى عربة محجوزة أو الجلوس على كرسي محجوز للغير وطبعا كل تصرف من ده عليه غرامة كبيرة.

طيب القانون بيقول إيه في الحالات دي .. شوف حضرتك عشان تبقى عارف في نص قانون رقم 277 لسنة 1959 والخاص بنظام السفر بالسكك الحديدية والمُعدل بالقانون 94 لسنة 2018، فى مادته التاسعة، بيأكد على عدم جواز الجلوس فى عربة محجوزة لآخر أو الركوب من غير الأماكن المخصصة وكذلك عدم جواز إقلاق راحة الركاب بأية طريقة فى القطارات أو المحطات أو المواقف.
وتقضى المادة 9 بعدم جواز:

أ‌ - جلوس شخص فى عربة أو ديوان أو مقعد محجوز لغيره.

ب - ركوب القطار أو النزول منه من غير الجانب أو الأبواب المخصصة لذلك.

ج - ممارسة حمل الأمتعة بالمحطات دون التصريح من هيئة السكك الحديدية أو على خلاف الشروط والقواعد التى تضعها.

د - إقلاق راحة الركاب بأية طريقة فى القطارات أو المحطات أو المواقف - الهلتات.

هـ - إدخال السيارات والعربات أو دواب الحمل أو المواشي أو تركها داخل دائرة المحطات، إلا بإذن من الموظف المختص، مع مراعاة الشروط المفروضة للوقوف والمرور بها.

وأقرت العديلات الأخيرة بمعاقبة المخالف بالحبس مدة لا تزيد على ثلاثة أشهر، وبغرامة لا تزيد على خمسة آلاف جنيه، أو بإحدى هاتين العقوبتين.. يعني يالدفع يالحبس ولو هتدفع يبقي هتدفع مبلغ كبير وعشان كده العلم بالشيء أفضل من الجهل بيه.