الدولار يتهاوى والجنيه يحقق مكاسب جديدة.. ايه اللي بيحصل في بنوك مصر؟

يا تؤ. ايه اللي بيحصل فى بنوك مصر؟ وليه عمليات التنازل ع الدولار ارتفعت بشكل غير مسبوق؟ وليه الدولار سعره بيهبط كل يوم ؟

لو حضرتك متابع اللي بيحصل فى سوق صرف العملات الأجنبية هتلاحظ أن سعر الدولار انخفض على مدار الأيام اللي فاتت فى حدود ٣ جنيه وبعد ما وصل لمستويات تقترب من ٥١ جنيه حاليا سعره الرسمي حوالى ٤٧ جنيه و٧٨ قرش

طيب ايه سبب هبوط الدولار؟!
السبب الرئيسي أن المعروض من الدولار كتير.. وفيه اسباب تانية طبعا أهمها اللي أعلنه إتحاد بنوك مصر، أن البنوك قدرت تلبي إحتياجات جميع قوائم انتظار العملة الصعبة، مش كده وبس، ده كمان فيه تنازلات عن الدولار في البنوك بالجملة،  حصيلة التنازل عن الدولار من جانب المواطنين وصلت 20 ضعف في شركة الصرافة التابعة لبنك مصر بس والبنك الاهلي

كمان بكره جاي  مصر، وفد من رؤساء وزاراء دول الإتحاد الأوروبي، والبنك الدولي، ووزراء المالية عشان يسلموا مصر دعم مالي بحوالي 8 مليار دولار..
مصر كمان قريبة من الحصول على 2.2 مليار دولار من صندوق النقد الدولي خلال أيام.

زباقي أموال رأس الحكمة، خلال أيام هتدخل مصر، فده مدي ثقة وتفاءل غير عادي في القطاع المصرفي والشركات العاملة في مصر، والمستوردين..
وطبعاوالسولة الدولارية الكبيرة  دي هتفرق في المعادلة

وهل فيه سيولة دولارية تانية هتدخل مصر؟

فيه صفقة كبيرة شبه صفقة رأس الحكمة بس على أخف شوية هتدخل للبلد سيولة دولارية في وقت مهم وصعب 
كمان  إتحاد بنوك مصر أعلن أن تحويلات المصريين زادت 10 أضعاف ودي كان فيها تراجع واضح وصل إلى اكتر من ٤٠ % في السنة اللي فاتت بس
وهنا برضوا مينفعش ننسى دور الاجهزة الامنية ، اللي بتوجه  ضربات قوية ضد تجار العملة في الأسواق.. و بتفكك الشبكات اللي بتتاجر بالعملة في السوق السوداء، بشكل يومي.. وبأرقام ضخمة في نهاية الشهر.
كمان  البنك المركزي بيضخ حاليا دولارات في سوق الإنتربنك، وعشان إعتمادات الإستيراد للتجار والمستوردين والمصنعين.. وقريب هترجع كامل خدمات ضخ الدولار للمواطنين.. ضخ 2.5 مليار دولار، وزود الكام يوم اللي فاتوا 600 مليون دولار

وبالنسبة للحكومة والموانئ، تم الإفراج عن بضايع كتير من الموان

حد هيسال ويقول .. ايوه بعد كل ده سعر الدولار هيوصل كام؟
معظم الخبراء الاقتصاديين وتقارير مؤسسات التمويل الدولية بتقول ان سعر الدولار في البنك هيوصل ما بين ٤٠  لـ٤٥ جنيه

و خد بالك، تراجع سعر الدولار في البنك، معناه أن فيه تنازلات كتير عن الدولار بتتم، وده خلا المعروض قرب من معادلة الطلب بشكل نسبي

وبالنسبة  للسوق السودا للدولار؟

تقدر تقول حاليا انها شبه متوقفة وفي طريقها للاختفاء تماما.. واللي شغال على خفيف، تجار فرداني، وعلى قليل، والسعر عندهم ربع اونص جنيه زيادة عن السوق الرسمي ومفيش تنفيذ كتير.