سعر الدولار فى البنك أعلى من السوق السودا.. هنقولك ليه ده بيحصل؟
هو ليه سعر الدولار فى البنوك بقا أعلى من سعره فى السوق السودا؟ وهل الوضع ده هيستمر على طول ولا مؤقت؟ وهل الاجراءات اللى خدتها الدولة مؤخرا ههتقضى فعلا على السوق الموازية؟
لأول مرة من سنين طويلة تجاوز سعر صرف الدولار في البنوك مستوى أسعار الصرف في السوق السودا وخلال التعاملات الأخيرة ووفق متعاملين تم تداول العملة الأمريكية عند مستويات أقل من 49 جنيه في السوق الموازية مقابل أسعار تتجاوز 49 جنيه في بعض البنوك.
وده بعد أيام من قيام البنك المركزي المصري بتحريك أسعار صرف الدولار مقابل الجنيه في إطار تضييق الخناق على السوق الموازية والقضاء على المضاربات اللي كانت بتتسبب في ارتفاعات غير منطقية بأسعار صرف الدولار خارج البنوك.
وفي السوق الرسمية وخلال التعاملات الأخيرة تراجعت أسعار صرف العملات الأجنبية والعربية مقابل الجنيه في ختام تعاملات امبارح في البنوك المصرية.
وفي أكبر بنكين من حيث الأصول والتعاملات تراجع سعر الصرف الدولار لدى البنك الأهلي المصري ليسجل 49.00 جنيه للشراء، و49.10 جنيه للبيع، وفي بنك مصر تراجع ليسجل 49.03 جنيه للشراء، و49.13 جنيه للبيع.
وفي البنوك الخاصة، تراجع سعر صرف الدولار في البنك التجاري الدولي – مصر ليسجل نحو 48.95 جنيه للشراء، و49.05 جنيه للبيع، وفي مصرف أبوظبي الإسلامي، استقر سعر الدولار ليسجل 49.25 جنيه للشراء، و49.35 جنيه للبيع.
ولدى البنك المركزي المصري استقر سعر صرف الدولار عند مستوى 48.97 جنيه للشراء، و49.11 جنيه للبيع.
حد هيسأل ويقول ازاى سعر الدولار فى البنوك بقا أعلى من السوق السودا؟
ده سؤال مهم جدا .. ولازم تكون عارف ان فيه حركة تصحيح فى سعر الصرف بتحصل من بعد قرارات البنك المركزي التاريخية بالسماح بتحرير سعر صرف الجنيه وفقا لآليات العرض والطلب وكمان رفع الفايدة 6% مرة واحدة
وحاليا البنوك بتقدم أعلى سعر للدولار أعلى حتى من البيع خارج القطاع المصرفي والهدفق من الخطوة دي تشجيع حائزى الدولار على التنازل عنه عبر القنوات الرسمية والاستفادة من السيولة الدولارية الكبيرة المنتشرة فى السوق لكن ده وضع استثنائي ومش هيستمر كتير ومع نجاح البنك المركزي فى مهمته بجمع السيولة اللى محتاجها سعر غالدولار هيتراجع والتوقعات بتقول انه هيستقر عن حدود من 40 الى 45 جنيه وان ده السعر العادل للعملة الأمريكية وفقا لمعظم تقديرات الخبراء.
طب هل فعلا فيه تنازل عن الدولار فى البنوك وشركات الصرافة الرسمية ؟
معدلات التنازل عن الدولار بتتزايد بشكل واضح ووفقا لمصادر مصرفية فبلغت حصيلة التنازل عن العملة الأمريكية بالبنوك فى الـ 4 ايام اللى فاتوا حوالى 3 مليار دولار وده رقم كبير جدا
وبلغت حصيلة التنازلات الدولارية في فروع شركة "الأهلي للصرافة" و"مصر للصرافة" التابعين لأكبر بنكين في مصر حوالي 765 مليون جنيه فى اخر 5 أيام.
وعملية التنازلات عن العملات الأجنبية بتتم فى جميع فروع شركة الأهلي ومصر للصراغفة والتنازل عن الدولار في تزايد مستمر من وقت اعلان قرارات البنك المركزي يوم الأربع اللى فات.
