سعر الدولار هينزل لـ 40 جنيه.. بشرى سارة من بنك أمريكي عن سعر الصرف
كل الناس في مصر من بعد الاعلان عن صفقة رأس الحكمة والاتفاق الجديد مع صندوق النقد بيسألوا هو سعر الدولار هيستقر عن كام ؟ وهل تعويم الجنيه للمرة الرابعة خلال سنتين قرار سليم وممكن فعلا يقضي على السوق السودا للعملة؟ والأهم امتى اقتصاد مصر ممكن يشم نفسه والتضخم يتراجع؟
معظم بنوك الأبحاث ومؤسسات التمويل الدولية مهتمة بمعرفة مصير الدولار في مصر وسعره ممكن يوصل كام خصوصا من بعد تحركات الحكومة في اكتر من ملف ونجاحها في توفير سيولة دولارية ضخمة .. ٣٥ مليار دولار من صفقة رأس الحكمة و٢٠ مليار دولار من صندوق النقد وشركاء تمويل تانيين.
وفي تقرير حديث لبنك جولدمان ساكس كشف إن الوضع الاقتصادي الجديد في مصر بيعزز فكرة الاستثمار في الأصول المصرية وأكد ان الاستثمارات دي من انها تؤدي لتعافي الجنيه المصري في غضون أسابيع وتوع البنك الامريكي وصول سعر الدولار إلى 40 جنيه على المدى القريب.
وتوقع جولدمان ساكس تعافي الجنيه من المستويات المتدنية اللي سجلها بعد قرار تعويم العملة المصرية بفضل تدفقات الاستثمار في أذون الخزانة خلال المزادات المقبلة بعد تراجع قيمة العملة وارتفاع العائد الاسمي.
وأكد البنك الأمريكي ان الجنيه المصري هيستفيد كمان من إقبال مرتقب وكبير لحائزي الدولار داخل مصر على بيع العملة الأمريكية بالبنوك بالتزامن مع بدء صرف شرائح قرض صندوق النقد الدولي بالإضافة إلى العودة المتوقعة لتحويلات المصريين العاملين بالخارج إلى القطاع المصرفي.
و أعلن البنك المركزي في اجتماع استثنائي يوم الاربع اللي فات رفع أسعار الفائدة الأساسية بواقع 600 نقطة أساس، ليصبح معدل الفائدة الأساسي على الإقراض لليلة الواحدة 27.25%. وقرر المركزي كمان تحرير سعر صرف الدولار الأمريكي مقابل الجنيه المصري، وترك تحركات سعر الدولار الأمريكي أمام الجنيه المصري لقوى العرض والطلب وفقا لاَليات السوق لتحديدها.
وطبعا القرارات دي ليها فوايد كبيرة جدا على مناخ الاستثمار في مصر وهتساهم في عودة الاستثمارات الأجنبية المباشرة وكمان هتساهم في عودة الاستثمار في اذون الخزانة وادوات الدين الحكومية بالعملة الأجنبية وكل ده هيوفر سيولة دولارية كبيرة للبنك المركزي هتخليه يقدر يوفي يالالتزامات اللى تنده ويوفر الدولار للشركات زالمستوردين
