أول مرة تتغرب.. اعرف الورق المطلوب للسفر للدراسة أو العمل أو السياحة
كتير من الشباب بتسيطر عليهم فكرة السفر، سواء للعمل أو الدراسة أو حتي للسياحة وعشان كده كتير منهم بيوقع فريسة لسماسرة الهجرة غير الشرعية، وعشان كده هنقولك على الإجراءات الواجب على كل شاب اتباعها حالة الرغبة فى السفر للخارج لأى سبب من الأسباب عشان يضمن لنفسه الوصول الأمن للبلد التى يرغب فى السفر إليها.
لو خلاص قررت تسافر لاي سبب يبقي في الأول لازم تحدد أحلامك وأفكارك والهدف من سفرك وغربتك لأن الغربة ليها تمن وبعدها تبدأ تخضر ورقك ولو انت مثلا مسافر عشان السياحة وتتفسح وهنا تقدر تحصل على تأشيره سياحة للبلد، والتأشيرة دي بتكون مدتها محدده حسب قوانين كل دولة وإذا ما التزمتش بالمدة هتتحول لمهاجر غير شرعى وتتعرض للترحيل، ولو انت مسافر للسياحة لازم تعرف شروط ونظم لابد من ابتاعها أثناء التقديم على التأشيرة وكل المعلومات دي بتكون متاحة على موقع السفارة التابعة للدولة اللي انت مسافر ليها.
أما إذا كان السفر بغرض استكمال تعليمك أو تدرس مهنة لازم تعرف أن شرط أساسى لقبولك فى الدراسة أن تجيد لغة البلد اللي هتسافر ليها سواء اللغة الفرنسية لو كنت ترغب السفر لأي دولة بتتكلم الفرنسية وبعدها بتدخل على موقع السفارة التابعة للبلد وبتعرف شروط وطرق التقديم فى السفارة وكمان هتلاقي إرشادات على أبواب السفارة نفسها، وممكن تتواصل معهم بالتليفون عن طريق خدمة الخط الساخن الخاص بالسفارة.
اوراق السفر المطلوبة للسفر للعمل متختلفش كتير عن إجراءات السفر التانية لكن بيكون ليها شروط زيادة وده لأن كل دولة بتحط شروط معينة لو رايح تشتغل عندهم وغالبا السفر بيكون عن طريق شركات تسفير عمالة مرخصة وقانونية وهي الي بتكون همزة الوسط بين جهات العمل في الخارج وبين العمالة وبتنشر إعلانات عن الوظائف المطلوبة
وعادة لو هتسافر تشتغل أول حاجه طبعا بتعملها بتطلع جواز سفر وبعدها بتجيب تأشيرة الدولة اللي هتسافر ليها تتضمن والأوراق للحصول على فرصة عمل، وأصل عقد العمل أو شهادة لمن يهمه الأمر معتمدة من المستشار العمالي لهذه الدولة اللي هتسافر إليها واهم من ده كله قبل ما تسافر انك تقرأ كويس عن قوانين البلد اللي انت رايحها وعادات سكانها وإرشادات السفارات المصرية ولازم تكون عارف عناوين وارقام السفارات والقنصليات المصرية في البلد دي عشان دي اللي بتحميك من اي خطر.
