لو هتشتري عربية.. ازاي تطلع رخصة قيادة.. اوعي يتضحك عليك

 
قررت تشري عربية بعد ما الأسعار نزلت والدولار بقي في الأرض لكن مش عارف تتطلع رخصة ازاي وايه الاوراق المطلوبة منك.. الموضوع سهل خالص لكن في نفس الوقت خلي بالك من النصابين اللي واقفين قدام المرور واللي هيعرضوا عليك يخلصولك الاوراق من غير ما تتبعي نفسك مقابل مبلغ من المال وده نوع من أنواع الاحتيال طبعا لان إجراءات استخراج رخصة القيادة من اسهل ما يكون..

شوف حضرتك الإدارة العامة للمرور التابعة لوزارة الداخلية حددتبعض الأوراق المطلوبة لاستخراج رخصة قيادة 2024 يجب على الراغبين في الحصول على رخصة القيادة تجهيزها وإحضارها قبل الذهاب إلى وحدة المرور التابع لها المواطن ودي اول نقطة لازم نفهمها إن الرخصة بتطلع من المرور الموجود في محل الإقامة بتاعك أو المركز أو القسم.

تاني حاجة تعملها انك تحضر اوراقك المطلوبة لاستخراج رخصة قيادة 2024 وهي المستندات والأوراق المطلوبة لاستخراج رخصة قيادة لاول مرة، للأشخاص أكبر من 18 سنة لأن المرور مش هيطلع رخصة لحد أقل من السن ده عشان لسه في نظر القانون قاصر.

والأوراق المطلوبة لاستخراج رخصة قيادة لاول مره هي صورة من بطاقة الرقم القومي، مع اطلاع الموظف على البطاقة الأصلية.و صورة من شهادة التخرج، مع اطلاع الموظف على الشهادة الأصلية.و- نموذج رقم 256 من أجل الحصول على رخصة قيادة خاصة، وهو متوفر بمقر إدارة المرور.و- إحضار 4 صور شخصية حديثة، مقاسها 4 في 6 بخلفية بيضاء.
ومن بين الاوراق المطلوبة تقديم أصل شهادة الكشف الطبي الذي تم توقعيه على المتقدم عن صحة النظر وأمراض الباطنة.واخيرا يجب أن يجتاز المتقدم اختبارات الإشارات والقيادة في المرور، مع دفع الرسوم المقررة.
وعلى فكرة رخص القيادة انواع وقانون المرور حظر  الحصول على أكتر من رخصة وأحدة من رخص قيادة السيارات، ومن بين انواع رخص السيارات هي رخصة قيادة خاص وبتسمح لحاملها، ممن لا تكون القيادة مهنته، قيادة سيارة خاصة وقيادة سيارات الأجرة التي تعمل في النقل السياحى والجرار الزراعى بقصد الاستعمال الشخصى، وسيارات النقل الخفيف التي لا تزيد حمولتها على ألفي كيلو جرام.
وفيه فئات من رخص القيادة زي رخصة درجة تالتة وتانية وأولي ورخص لقيادة المعدات الزراعية والمترو والموتوسيكلات والتوكتوك.
لكن بعيد عن الاوراق والمستندات والإجراءات المطلوبة لاستخراج رخصة قيادة لاول مره هي انك تكون واثق وعارف مليون في المية أنك بتعرف تسوق وانك وصلت لدرجة تخليك تسوق عربيتك من غير ما تشكل اي خطر على الأرواح في الشارع وكمان حماية ليك ولأسرتك كمان.