الخير بيحب بعضه.. بشرى من وزارة التموين لأصحاب البطاقات قبل رمضان

بطاقات التموين واحد من الحاجات المهمة اللي الدولة مش هتقدر ترفع عنها الدعم خصوصا أن مصدر رئيسي للعيش والسلع التموينية لعدد كبير من الاسر المصرية، واللي لو حصل فيها الي تقصير هتكون فيها مشاكل كبير للدولة مع المواطنين، والدولة حاليا في عز المشاكل اللي هيا في تفكر ترفع قيمة الدعم المادي لكل مواطن في بطاقات التموين.. يا تري الزيادة الجديد في قيمة الدعم المادي علي بطاقات التموين هتوصل كام.. واية هيا اهم السلع التموينية اللي بتصرفها الدعم علي البطاقات.
 

بطاقات التموين واحدة من الحاجات اللي الدولة مش قادرة ترفع ايدها عنها وده في عز طلبات صندوق النقد الدولي برفع الدعم تدريجيا وخصوصا التموين في العيش والسلع التموينية، ولكن الدولة رافضة الموضوع ده تماما، وفي حاليا اتجاه من جانب القيادة السياسية لزيادته بدلا من رفعه او التخفيف منه.
في الفترة الاخيرة في كلام تداول ان الدولة بتفكر رفع قيم الدعم لكل فرد ببطاقات التموين من 50 الي 100 جنيه، ووزارة التموين اكدت ان الكلام ده مضبوطن وان الوزارة في انتظار اللموازنة العامة الجديدة المخصصة لوزارة التموين واللي بتوصل لـ 127 مليار جنيه في السنة منهم 90 مليارًا للخبز المدعم و36 مليارًا للتموين.
وزارة التموين اكدت ان زيادة الدعم المادي لكل مواطن ببطاقات التموين في ايد مجلس الوزراء، ودي واحدة من اهم اختصاصات رئاسة مجلس الوزراء، وان الوزراء حريصة علي زيادة وتنويع السلع التموينية اللي بتقدمها الوزارة للمواطنين واللي بتوصل لـ30 سلعة حاليا وبتشمل الزيت والسكر والمكرونة والدقيق والصلصة والخل والشاي والجبنة والحليب الجاف والمسلي الصناعي وغيرها من السلع الاكثر استخداماً لكل بيت مصري.
طيب منين الوزارة هتزود الدعم المادي ببطاقات التموين من 50 الي 100 جنيه؟.
الدكتور علي المصيلحى وزير التموين والتجارة الداخلية زف بشري للمواطنين عن تخصيص البنك المركزى لـ 100 مليون دولار لتوفير السلع الأساسية خصوصا الزيوت والألبان، وان احتياطي الزيت يكفى 5 شهور، واحتياطى السكر 6 شهور.
وزير التموين قال ان الدولة شغالة علي زيادة عدد معارض اهلا رمضان خصوصا في ظل الاقبال الكبير الموجود من المواطنين علي المنافذ والطوابير اللي بتبقي واقفة في انتظار فتح ابواب المعارض، وان الدولة هتزودها في الايام الجاية علشان تكون متاحة قدام كل الناس ويقدروا يشتروا كل اجتياجاتهم بسعره الحقيقي بعيدا عن الاسعار الموجودة في السوق حاليا واللي مبالغ فيها بشكل كبير.
طيب اسعار السلع التموينية بتوصل لكام في بطاقات التموين؟.
وزير التموين قال ان الدولة بتبيع كيلو السكر للمواطن بـ 12.60 جنيه، والزيت الخليط 800 مللي بـ30 جنيهًا وعلبة مرقة الدجاج بـ6 جنيه، والمكرونة 800 جم بـ14 جنيه والمكرونة 400 جم بـ 7 جنيه، والعدس المجروش 500 جم بـ 21 جنيهًا والفول المعبأ 500 جم بـ 9.00 جنيه والدقيق المعبأ 1 كجم بـ18 جنيه.