اكتر من 20% انخفاض مبدئي في أسعار السيارات.. بشاير رأس الحكمة هلت
ايه اللي بيحصل في سوق السيارات دلوقتي وامتي الأسعار هتنزل وايه تأثير صفقة رأس الحكمة على السوق وياترى هيكون فيه تخفيض في أسعار السيارات وامتي.. كل ده هنقوله.
قلنا امبارح هنا في بانكير إن سوق السيارات في مصر راجع تاني وإنه منتظر يحصل انفراجة كبيرة في الأسعار الفترة الجاية وده اللي بدأ الكلام الرسمي عنه من شعبة السيارات واللي اتوقعت زي ما قلنا حدوث انفراجة كبيرة في القطاع الحيوي واللي بيخدم سوق ضخم جدا وده بعد انتكاسة كبيرة عاشها سوق السيارات بسبب أزمة نقص الدولار في السوق المصرفي وارتفاع أسعارها نتيجة المضاربة في سعره بالسوق السودا للعملة.
شعبة السيارات قالت النهاردة أن الخطوة الجاية اللي الحكومة لازم تاخدها هي الإعلان عن كيفية ضخ الأموال من حصيلة صفقة رأس الحكمة بالسوق وإنه في حالة تم ضخ تلك المليارات بالسوق و السماح بفتح اعتمادات بنكية، فإن أسعار السيارات هتتراجع بشكل مبدئي 20% أو أكتر لكن الأمر بيحتاج لبعض الوقت مش اقل من 3 شهور هي عمر الدورة الاسترادية للسيارات وهب الفترة ما بين شراء السيارات بالسعر الجديد من دولة المنشأ ووصولها إلى الموانئ المصرية.
والشعبة شايف. كمان إن صفقة رأس الحكمة هتنعش سوق السيارات الجديدة خلال الفترة الجاية عن طريق تخصيص جزء من عوائد الصفقة لقطاع السيارات وفتح باب الاستيراد على مصراعيه مرة تانية ما يؤدي إلى توافر المعروض بالسيارات وبناء عليه تنخفض الأسعار.
وحسب شعبة السيارات انخفاض أسعار السيارات في مصر بيتوقف على فتح الاعتمادات المستندية للوكلاء والمستوردين وتوفير الدولار في البنوك لاستخدامه في عمليات الاستيراد، لتعويض الفترة الكبيرة التي فاتت على قطاع السيارات وسببت صعوبة في الاستيراد وبالتالي نقص المعروض. وزي ماقلنا قبل كده سوق السيارات فقد 80% من المبيعات في الشهور اللي فاتت بسبب أزمة الدولار وتوقف الاستيراد تقريبا لأن الدولة كانت عاملة أولويات في الاستيراد ضمن خطة ترشيد استخدام الدولار وقت الأزمة وده الحقيقة سبب أزمة كبيرة لأن قطاع السيارات زي ماقلنا بردو بيشغل ملايين المصريين في الورش والتوكيلات والمصانع وقطع الغيار وتوقفه كان ليه تأثير كبيرة جدا على آلاف الأسر اللي فقدت مصدر رزقها.
