الأسعار هتنزل.. «سيستم التتبع» كلمة السر للقضاء على المحتكرين

صفقة رأس الحكمة اللي بتوصل تكلفة استثماراتها الكلية 150 مليار دولار واللي هيتورد منها 35 مليار دولار كانت الضربة القاضية للسوق السودا للدولار وكمان لتجار السلع والمضاربين واللي راح خزن السكر والزيت والسجاير عشان يبيعها بالغالي.

كل اللي خزن سلعة يبلها ويشرب ميتها زي ما بيقول المصريين لأن الأسعار هتنزل الأيام الجاية بشكل كبير وهتكون أرخص من اللي في مخازن التجار وهتكون فيه منظومة جديدة لتداول السلع.. و"سيستم التتبع" للسلع هو كلمة السر في السيطرة على الأسواق الفترة الجاية يعني السلعة أول ماهتخرج من المصنع وتروح للموزع وبعدها لتاجر الجملة ومنها للبقالين هتكون متراقبة ولو حصل حبس للسلعة في أي مرحلة هيتم كشفها وبكده هتفوت الفرصة على تجار الأزمات.

المهم كبار مسؤولي الغرف التجارية، توقعوا تراجع أسعار السلع الغذائية خلال الفترة القريبة الجاية؛ بعد توقيع مصر اتفاقية مع الإمارات لتنمية وتطوير منطقة رأس الحكمة وانخفاض سعر الدولار بالسوق الموازية؛ هيكون ليه مردود إيجابي على جميع السلع، خلال الأسبوع الحالي واللي بعده.