ساعة الحساب قربت.. خطة الدولة للانقضاض على تجار العملة وصناع الأزمات

 
يا ترى ايه اللى هيحصل فى مصر بعد صفقة رأس الحكمة ؟ والدولة هتعمل ايه بالـ 35 مليار دولار اللي هتاخدهم من الامارات؟ وايه الصفقات الجديدة اللى ممكن مصر تعملها الفترة الجاية؟ والسؤال الأهم ازاي مصر قدرت توجه أقوى الضربات لتجار العملة والمضاربين على الدولار؟

اللى حصل من بعد توقيع صفقة رأس الحكمة ونجاح الدولة فى تفكيك السوق السودا للعملة ما جاش صدفة ولا حصل بين يوم وليلة لا ده كان نتيجة تخطيط وترحكات مكثفة اتعملت من كل أجهزة الدولة سواء الأجهزة الرقابية او الأجهزة الأمنية عشان نوصل للحظة اللى عايشينها دلوقتى واللى بتشهدا بداية النهاية لأعنف أزمة عاشتها مصر.

طيب ايه اللي عملته الدولة علشان تقضي علي السوق السودا ؟.
حرب الدولة علي الدولار قايمة علي 3 اقسام، الجزء الأول منها قايم علي المواجهة المباشرة للجهات الأمنية مع مافيا التجارة بالعملات الاجنبية، وقدرت في الشهور اللي فاتت تمسك منهم 38 فرد وكان معاهم عدد كبير من العملات الاجنبية المختلفة، والتحقيقات معاهم بينهم انهم شغالين في شبكة مافيا عالمية وفيها اسماء كبيرة ورنانة من جوا مصر.
التحقيقات اللي قامت بيها الجهات الأمنية بينت ان التجار اللي اتمسكوا دول هما ما الا ادوات صغيرة بيحركها عصابات دولية هدفهم تجميع اكبر قدر ممكن من العملات الاجنبية والدولار، وانهم يمنعوا بكل الطرق الدولار من التداول بالطرق القانونية في البنوك الوطنية مهما كان هيدفعوا في الموضوع ده من عملات مصرية مقابل يلموا كل الدولار اللي مع المواطنين.
المتهمين اعترفوا للجهات الأمنية انهم كانوا السبب الاساسي في وصول سعر بيع الدولار في السوق السودا لـ70 جنيه، خصوصا ان كل هدفهم انهم يلموا كل الدولار اللي موجود في السوق ومفيش دولار واحد يروح البنوك، وكل شغالهم كان قايم علي اهالي وقرايب المصريين العاملين بالخارج، وكانت السوق السودا هي السبب الاساسي في تراجعت تحويلاتهم لأكثر من 40%، وكمان اعترفوا ان الجماعات دي شغلت ناس معاهم تروح للدول المعروفة بانتشار المصريين فيها زي الدول العربية، علشان تشتري منهم الدولار باي سعر هناك، والناس اللي شغالين معاهم هنا يدفعوا المقابل المطلوب لاهاليهم.
الجزء الثاني من خطة الحكومة لمواجهة السوق السودا، كان قايم علي توفير الدولار وبشكل كامل في البنوك الوطنية قدام التجار والمستورين علشان يقدروا يشتروا كل السلع والخدمات اللي بتحتاج عملات اجنبية كانوا بيضطروا يشتروا الدولار من السوق السودا باعلي سعر علشان يقدروا يشتروا بضائعهم من الخارج، وده حصل من خلال قرارات الحكومة بتوقيع عقود رأس الحكمة واللي هتوصل العوائد المالية المباشرة منها لـ35 مليار دولار منهم 11 مليار موجودين بالفعل في حزينة البنك المركزي كانوا ودائع لدولة الأمارات عندنا هنا في مصر، وفي 10 مليار ثانيين هيدخلوا خلال اسبوع، و 14 مليار دولار هيدخلوا خزينة البنك بعد شهرين من النهارده.
الدولارات دي بشكل مباشر هتخلي الطلب يقل بشكل كبير علي السوق السودا، خصوصا ان البنك هتوفر بسعره الرسمي للتجار والموردين، وبالتالي مش هيرحوا للسوق السودا علشان يتشروه باي سعر علشان يدفعوا ويفرجوا عن السلع والبضائع بتاعتهم.
الجزء الأخير من خطة الحكومة لمواجهة السوق السودا، هتبدأ البنك تطبيقه من النهاردة وهو ان البنوك مش هتقبل تشتري اي دولار من اي مواطن بدون ما يكون معروف مصدره اية، يعني بالعربي كده اللي اشتري دولار من السوق السودا وحب يخلص منه دلوقتي يبله ويشرب ميته .

حد هيسأل ويقول يعنى كده أزمة الدولار خلصت ومش هنشوف سوق سودا تانى؟

اللى حصل فى صفقة راس الحكمة بداية لسير مصر فى الاتجاه الصحيح بس طبعا ازمة كبيرة وضخمة ومتفرعة زي أزمة نقص العملة مش هتخلص بين يوم وليلة والاسواق محتاجة شوية وقت عشان تستوعب اللى حصل ويتم توفير الدولار فى البنوك للشركات والمستوردين ووقتها السوق السودا هتنتهى تماما وهترجع تحويلات المصريين فى الخارج لمعدلاتها الطبيعية والامور هتمشي

طيب ياترى فيه صفقات جديدة في درج السيسي لتوفير الدولار .. وامتي بدأت ساعة الصفر للقضاء على كل المؤامرات. 
اللي بيسأل هو رأس الحكمة ده أخر المشروعات الضخمة ولا لسه في جراب الحكومة مشروعات تانية.. شوف حضرتك اللي يعرف الرئيس السيسي كويس هيعرف إنه شخصية فريدة ما بيغلبش ومفيش حاجة بتعجزه وكل مشكلة مهما كانت صعبة ليها عنده ألف حل وده شر ثقته الدائمة في كلامه وعمره ما تهز وفي أصعب المواقف والناس قلقانة كان يطلع ويبتسم ويقول للشعب هتعدي باذن الله وكانت فعلا تعدي وكل اللي قاله السيسي بيتحقق وده لأنه راجل مخابرات ومعلومات في الأساس وحلوله للمشاكل قايمة على المعلومة وتحليل وتقييم موقف وعلى احتمالات وتوقعات لمستقبل اي أزمة عشان كده ساعة أزمة الدولار قال متخافوش هتبقي ذكرى يا مصريين وساعتها نبرة الثقة اللي في كلام الرئيس كانت لغز حتى عند رجال وخبراء الاقتصاد اللي كانوا شايفين الأزمة المالية صعبة جدا والمركزي مش هيقدر يحلها لوحده لكن السيسي كان عنده حلول تانية.
نرجع لموضوعنا الأهم وهي الصفقات الجديدة اللي بعد رأس الحكمة.. المعلومات اللي حصل عليها بانكير وهي معلومات أكيدة وماتنسوش إن بانكير كان أول موقع في مصر يقول على حجم استثمارات مشروع رأس الحكمة لما الناس كانت فاكرة أنها 22 مليار دولار بس وقلنا ياجماعة الاستثمارات هتعدي 35 مليار دولار.. بعد رأس الحكمة فيه مشروع ضخم بيتم تجهيزه للطرح على مستثمرين قريب جدا وهو مشروع رأس جميلة ودي مشروع تقدر تقول عليه كده ببساطة إنه شرم الشيخ تانية بكل قوتها وسحرها واستثماراتها .. وعاوزين نقولك حاجة راس جميلة بيفوق مشروع رأس الحكمة لأن منطقة رأس جميلة مكانها خرافي وهي جمب مدينة شرم الشيخ وبتطل على أجمل منظر بحري في الخليج ومنطقة الجزر  والمياه السعودية وملاصقة لمطار شرم الشيخ الدولي وعشان كده  السعودية هتكون الأقرب لتنفيذ المشروع وباستثمارات ضخمة جدا هيتم الاعلان عنها قريب جدا ..

عامة المعلومات المتاحة عن صفقة رأس جميلة إن المشروع هيشمل تطوير المنطقة وإقامة مشروعات فندقية فاخرة على مساحة 403 آلاف و615 مترا مربعا وإقامة فنادق 4 نجوم بطاقة استيعابية 844 غرفة بالإضافة إلى 1288 شقة فندقية ودا غير المشروعات السياحية والترفيهية والتجارية التانية اللي هيتحول المنطقة لجنة على الأرض.
مساحة منطقة رأس جميلة  860 ألف فدان، وهيتم الاستعانة بشركات استشارية كبيرة بالتعاون مع الوزارات المعنية المختلفة وبينها وزارة الإسكان وباقي الأجهزة قبل الاعلان عن أي صفقة.
من رأس جميلة هنروح لمشروع تاني ضخم بيتم تجهيزه والمرة دي مع قطر وهو إنشاء منطقة الريفيرا العالمية في مدينة العلمين الجديدة ودي مشروع لا يقل أهمية عن أي مشروعات تانية لان الريفيرا المصرية في العلمين الجديدة هتكون أهم من الريفيرا الفرنسية الشهيرة وهتقلب حسابات شركات السياحة والسفر في العالم لمصر ..ومشروع "العلمين ريفيرا" السياحي بالمنطقة الغربية هيكون  بمثابة وجهة سياحية للساحل الشمالي على مدار العام... وهيشمل المشروع إقامة 10,250 غرفة فندقية، و3,975 شقة فندقية، كما يوفر 30 ألف فرصة عمل...وتم إعداد المخطط الرئيسي للمشروع بالتعاون مع عدد من الشركات والمكاتب الاستشارية العالمية الكبرى المتخصصة في مجال التطوير السياحي والفندقي.
المشروع القطري في العلمين الجديدة هيكون على مساحة  10 ملايين متر مربع ويضم المارينا، ومنطقة ترفيهية للأسر، وأماكن لممارسة الرياضات المائية، وأندية الشواطئ، وأندية الجولف، ومحلات التجزئة والمطاعم. بخلاف إقامة مدينة طبية، ومركز استشفاء، وكذلك مركز للإبداع والتعليم، يضم مدرسة دولية، وقاعة مؤتمرات.
المشروع  المنتظر تستثمر فيه قطر الهدف منه في النهاية توطين بيزنس الضيافة المتميزة لتأكيد مكانة العلمين ريفيرا كوجهة عالمية المستوى، وده من خلال إنشاء مجموعة من الفنادق ذات العلامات التجارية العالمية المصممة بشكل مبتكر في الساحل الشمالي، منها على سبيل المثال فنادق: "ماريوت"، و"أكور"، و"روتانا"، واللي بدأ بالفعل التعاون معها، وهتتولي الشركات دور المشغل للفنادق التي سيتم إنشاؤها بالمشروع.
كل الصفقات الجديدة دي هيام الاعلان عنها خلال أيام مش شهور حضرتك ودي معناه إن ساعة الصفر بدأت لضرب السوق السوداء للدولار من حوالي سنة وإن الرئيس كان بيفكر في المشروعات دي قبل ما يقول أزمة الدولار هتبقي ذكرى ولما بدأ التفكير في طرح مشروع رأس الحكمة كانت بداية النهاية لكل المؤامرات اللي كانت على مصر وإن النهاية الفعلية للسوق السودا للدولار هتكون خلال أيام .