قفزة في صادرات مصر .. ضربات متتالية للسوق السوداء

زيادة الصادرات المصرية الي الدول الخارجية واحدة من ابرز المواد اللي تضمنتها الاستراتيجية الوطنية للاقتصاد المصري في الفترة الرئاسية الجديدة 2024 -2030، واللي بعتمد علي زيادة الصادرات المصرية لتوفير العملات الاجنبية اللازمة للسوق المصري وتقليل الاستيراد لتخفيف الضغط علي الدولار.. يا تري اية اللي بدأت تعمله الحكومة علشان تنفذ خطة زيادة الصادرات.. مصر بتستهدف صادرات الصادرات المصرية لكام
 

الاستراتيجية الوطنية للاقتصاد المصري 2024 -2030، بستهدف تعظيم الدخل القومي المصري من حاجات كتيرة جدا خصوصا في ظل التغيرات السياسية اللي بتشهدها المنطقة العربية واللي اثرت بشكل كامل علي عنصرين كانوا من اهم مصادر الدولار للدولة المصرية وهما السياحة وقناة السويس واللي اخفضت ايراداتها بنسبة 40% بسبب هجمات جماعة الحوثيين علي السفن الامريكية والبريطانية في البحر الأحمر، ونتج عنها تخوف كبير من باقي دول العالم في تشغيل حركة التجارة الدخلية اللي بتمر من البحر الأحمر في اتجاه قناة السويس للعبور الي قارة اوربا، وحاليا اغلب حركة التجارة العالمية بستخدم طريق رأس الرجاء الصالح والمرور بطول القارة الافريقية بعيدا عن نيران المدفعية اليمنية .
بعد انخفاض ايرادات قناة السويس.. الدولة بدات تدور علي مصادر تانية تنفع تكون بديلة لتعويض تراجع ايرادات قناة السويس، وبدات تشتغل علي تعظيم ايرادات السياحة واللي شهدت كسر الرقم القياسي المسجل في عام 2010 واللي بيعتبر عام الذروة السياحية في الحركة الوافدة لمصر من الخارج بالوصول الي 14.6 مليون سائح، وسجلت مصر السنة اللي فاتت معدل تاريخي بالوصول الي 14.9 مليون سائح، وحاليا في زيادة في حركة السياحة الوافدة لمصر بنسبة 7% في اول 40 يوم لسنة 2024.
تاني حاجة الدولة شغالة عليها لتعظيم ايرادات الدولار وهيا زيادة الصادرات المصرية وتخفيض الاستيراد،والحكومة بتستهدف مضاعفة أرقام الصادرات في السنتين اللي جايين وتحقيق 100 مليار دولار من خلال فتح أسواق جديدة تنافسية للمنتجات وللسلع المصرية.
طيب مين اكبر الدول اللي بتسورد من مصر في العالم؟.
الصادرات المصرية حاليا بتوصل لعدد كبير من دول العالم، لكن الأمارات هي اكبر دولة بتستورد منتجات مصر وبعدها تركيا والسعودية وفقا لاخر احصائية صادرة عن الجهاز المركزي للتعبئة العامة والإحصاء في شهر نوفمبر 2023، واللي اكدت ارتفاع الصادرات المصرية الي دولة  الامارات بقيمة 304 مليون و464 ألف دولار بزيادة 63 مليون 348 الف دولار عن نفس الفترة من عام 2022 واللي سجلت فاتورة مصر من الصادرات للأمارات 241 مليون و116 ألف، وبعدها تركيا اللي استوردت منتجات مصرية بقيمة 259 مليون و389 ألف دولار، ثم السعودية اللي استوردت منتجات مصرية بقيمة 235 مليون و176 ألف دولار مقابل 201 مليون و228 ألف دولار في نفس الشهر لعام 2022، بزيادة 33 مليون و948 ألف دولار، وسجلت الصادرات المصرية إلى إيطاليا 208 مليون و934 ألف دولار مقابل 300 مليون و982 ألف دولار في 2022، وأخيرا ليبيا واللي استقبلت منتجات مصرية بقيمة 201 مليون و638 ألف دولار مقابل 83 مليون و546 ألف دولار في 2022 بزيادة 118 مليون و92 ألف دولار.