الدولار و البريكس.. صراع الديون والعملات والتخلص من الاخضر

علي مدار سنوات طويلة سيطر الدولار علي عملات العالم وكان له السيطرة علي كل دول العالم، وبفضله خضعت سياسيات وادارات وقرارات دول لسيطرة العملة الخضرا، ولكن في الوقت الحالي بعض الدول بدأت تتوسع في كيان اقتصادي موازي للدولار وهو البريكس..،يا تري ازاي البريكس هيقدر ينافس قوة الدولار.. واية خطوات الدول المشتركة في مجموعة البريكس لمواجهة هيمنة الدولار.. وايه المشكلة الأساسية اللي بتقابل أعضاء البريكس..
 

من زمان والدولار مسيطر على حركة التجارة العالمية وهو المكون الاساسي علي حركة التجارة بين دول التجمع، واصبح بيمثل 75 إلى 80 % من التعاملات المالية العالمية وهو العملة العالمية الوحيدة القايمة عليها صناعة الطاقة وتداولات النفط في كل دول العالم، وفي الوقت الحالي ظهرت دول تجمع البريكس لتكوين تكتل اقتصادي قادر ينافس هيمنة الدولار علي الاقتصاد العالمي ويخفف حده نقصه في الدول الاعضاء في المجموعة .
طيب اية هيا مجموعة البريكس ويعني اية معني كلمة بريكس؟.
تجمع مجموعة دول البريكس، هدف الاساسي الح من هيمنة الدولار، والبريكس مكون من 5 دول أساسية هما البرازيل وروسيا والهند والصين وجنوب أفريقيا والكلمة متاخذة من أول حرف للدول دي، وتأسست المجموعة عام 2006، في منتدى بطرسبورج الاقتصادى، ودول البريكس بتمثل 42 % من سكان الأرض وربع الاقتصاد العالمي.
تجمع مجموعة دول البريكس حاليا بيسعوا علشان يتوسعوا في العالم، وقرروا في اجتماعهم اللي عقد في 15 سبتمبر 2023 فى جوهانسبرج قبول عضوية كل من مصر والمملكة العربية السعودية والإمارات العربية المتحدة وإثيوبيا وإيران، وحاليا في مشاورات متقدمة للاتفاق علي عملة موحدة تنافس الدولار لدول البريكس ممكن يعتمدوا عليها كعملة لحركة التجارة أو الاعتماد على العملات المحلية للدول الأعضاء، والبرازيل وروسيا هما الدولتين الأقوي في مطالب ضرورة وجود عملة موحدة لدول البريكس.
الرئيس البرازيلي لولا دا سيلفا ، طالب دول البريكس بانشاء عملة مشتركة للتجارة والاستثمار كوسيلة للحد من تقلبات أسعار صرف الدولار، وكلامه لاقي ترحيب كبير من روسيا اللي قدمت توصيات بوجود وسائل دفع بديلة لأنظمة الدفع الغربية، ولكن لحد اللحظة دي مفيش اي بوادر تحركات على أرض الواقع خاصة بالعملة الموحدة أو منصة الدفع اللي المجموعة بتبحث انشائها في الفترة اللي جاية.
طيب القوة الإقتصادية لدول مجموعة البريكس بتوصل لكام مقارنة بالإقتصاد العالمي ؟.
مساهمة دول مجموعة بريكس في الاقتصاد العالمي بتوصل لـ 31.5%، وحصيلة الصادرات السلعية للمجموعة وصلت في نهاية 2021 الي 4.6 تريليونات دولار، بما يمثل 20.7% من إجمالي الصادرات السلعية للعالم، ووصلت الواردات السلعية في نفس العام للمجموعة 3.9 تريليونات دولار بما يمثل 17% من إجمالي الواردات السلعية للعالم، والارقام بتكشف زيادة مستمرة في صادرات دول المجموعة بقيادة العملاق الاسيوي دول الصين اللي بتمثل الدولة الأكبر في صادرات المجموعة.

لجنة التجارة في اتحاد الصناعات المصري أكدت صعوبة الوصول لاتفاق على التجارة بالعملات المحلية بين دول البريكس أو الوصول إلى عملة موحدة بعيدا عن الدولار، وان الاتجاه للاعتماد على العملات المحلية هيكون له مفعول السحر في انتهاء الضغط علي اقتصاديات الدول وخصوصا الاقتصاديات الناشئة في الاعتماد علي الدولار كعملة رسمية في حركة التجارة العالمية، ونا المشكلة الأكبر لدول اعضاء مجموعة البريكس هتكون الديون الموجودة علي الدول الاعضاء واللي أغلبها بالدولار .