بديل الدهب وعلى قد الإيد.. إيه حكاية الاستثمار الأبيض

ناس كتير فاكرة إن الدهب والعقار وشهادات الادخار هما افضل الاستثمارات في الأزمات ولحفظ الفلوس لما الناس تخاف إن قيمتها تنزل لو حصل تعويم مثلا.. لكن الحقيقة فيه حاجات كتير تقدر تستثمر فيها غير الحاجات دي..
من افضل الاستثمارات المتاحة واللي  شعبة الدهب نبهت ليها هي الاستثمار في الفضة والمفاجأة بقي أنها استثمار ناجح ومضمون زي الدهب بالظبط وقيمته بتزيد مع الزمن مع فارق الوزن.
يعني ايه مع فارق الوزن ، يعني مثلا قيمة جرام الدهب تساوي مثلا 100 جرام الفضة لكن قيمة ال100 جرام فضة بتزيد بنفس قيمة جرام الدهب وعلى فكرة الفضة بتزيد وتنزل مع الدهب وبكده يبقي استثمار آمن وعلى قد الإيد لأن سعرها متاح وارخص من الدهب والمفاجأة أن الفضة زمان كانت زي الدهب في أهمية المعادن وليها سوقها الكبير.
ولو معندكش فكرة عن سعرها في السوق فهي ياسيدي سعر
أونصة الفضة 31.3 جرام بحوالي 1119 جنيه.
وسعر الفضة النقية عيار 999 وزن 1 جرام 35.91 جنيه.
وسعر الفضة البريطانية عيار 958 وزن 1جرام بيوصل 34.45 جنيه.