اشتري عربيتك زيرو أو مستعمل وقسط مع البنك ده على 84 شهر

نفسك تجيب عربية ترحمك من المواصلات والزحمة وتروح شغلك بدري وتفسح ولادك في أي وقت لكن الأسعار غالية ومش عارف تعمل ايه.. تعالى نقولك تشتري عربيتك ازاي زيرو وبالتقسيط المريح كمان
 

 
شوف يا سيدي كل البنوك تقريبا بتدي قروض عربيات وكل بنك بيحطلك ميزة عشان يجذب العميل بتاعه وانت كل اللي عليك انك تدرس كل قروض العربيات اللي بتقدمها البنوك وتختار أفضلها بالنسبة لك.. ومثلا بنك كريدي أجريكول مصر عامل عرض مثالي لقرض العربية والبنك بيقدم تمويل لشراء السيارة أو العربية  سواء كانت جديدة أو مستعملة، ويقوم العميل بسداد قيمة التمويل بعد كده على هيئة أقساط شهرية ميسرة، عشان يخفف العبء عن كاهل العملاء.

قيمة القرض بتوصل إلى مليون جنيه مصري كحد أقصى وبيتميز القرض بمرونة في فترة السداد تصل حتى 84 شهر.. أما بخصوص شروط الحصول على قرض العربية من بنك كريدي أجريكول مصر فهي شروط ميسرة وهي إنه بيسمح بالتقديم لأصحاب الأعمال والمهن الحرة والموظفين. والحد الأدنى لسن العميل يكون 21 سنة والحد الأقصى لسن العميل 65 سنة عند انتهاء القرض.

وبخصوص طريقة التقديم على القرض فإدارة بنك كريدي أجريكول مصر، فقالت  إن فيه اكتر من طريقة لتقديم الطلب، يعني يقدر للعميل يقدم الطلب من خلال موقع بنك كريدي أجريكول الإلكتروني الرسمي، أو من خلال زيارة أحد فروع البنك الموزعة على مختلف أنحاء ومحافظات الجمهورية.

وكل اللي عليك إنك تختار عربيتك سواء زيرو أو مستعملة وبيان بالسعر والأوراق المطلوبة والبنك هيصرفلك التمويل المطلوب وبالفايدة اللي بيحددها البنك وبتكون معقولة لانه قرض خدمي البنك هدفه منه جذب شريحة جديدة من العملاء.