الحل في التصنيع.. الدواء المصري حل سحري لتقليل فاتورة مصر الاستيرادية

علي مدار سنين كتيرة كان السوق المصري ارض خصبة لاستيراد المستلزمات والادوية من الخارج بسبب ضعف وعدم كفاءة المنتجات المصرية، وكان جزء كبير من فاتورة مصر الاستيرادية مخصص لسد حاجة السوق المصري من الدواء وتوفير المستلزمات الطبية اللي هيحاجها المواطن المصري، ولكن خلال الـ 7 سنوات الماضية، فاتورة مصر الاستيرادية من الدواء تراجعت بشكل كبير بسبب اتجاه الدولة لتشجيع المنتج المحلي والتوسع في المبادرات الحكومية للكشف المبكر علي الامراض وخصوصا الامراض المستعصية زي فيروس سي، بالاضافة الي القوافل الصحية اللي عملتها الدولة للاهتمام بصحة المرأة والطفل وده ظهر جدا وقت انتشار جائحة فيروس كورونا.. يا تري اية اللي عملته الدولة علي تقلل فاتورة استيراد الادوية من الخارج... واية هيا اجمالي اصناف الدواء اللي الدولة المصرية بتنجه في الوقت الحالي واية هيا اهم تحديات صناعة الأدوية في مصر.. واية هيا اسباب ارتفاع اسعار الأدوية في مصر مؤخرًا
 

صناعة الدواء واحدة من اهم الصناعات الاستيراتيجية لاي دولة في العالم، لانها ببساطة لو في دولة مش محتاح عندها مصانع للادوية هتضطر تخصص جزء كبير من ميزانية الاستيراد لشراء الادوية اللازمة لعلاج مراضها المواطنين خصوصا ان العلاج واحد من اه الحاجات اللي مفيش مواطن يقدر يأخرها، لكن في الفترة الاخيرة اسعار الأدوية في مصر ارتفعت بشكل كبير، وبقت مع الاسف صعب جدا علي المواطنين انهم يوفرها للمرضي.

طيب اية هيا اسباب ارتفاع اسعار الأدوية في مصر؟.

الدكتور علي عوف رئيس شعبة الأدوية بالاتحاد العام للغرف التجارية المصرية، كشف أن الوضع السياسي في المنطقة وتداعيات الحرب والاضطرابات الجيوسياسية في منطقة باب المندب كان لها ثاثير كبير في استيراد المواد الخام عبر البحر، وكان الحل البديل لوصول المواد الخام لمصانع الادوية  هو الاعتماد على الطيران وهو في حد ذاته مكلف وحمل أعباء جديدة على صناعة الدواء .

رئيس شعبة الأدوية بالاتحاد العام للغرف التجارية المصرية كمل كلامه وقال، أن تحرير سعر صرف الجنية المصري مقابل الدولاء الأمريكي كان له هو كمان تاثير كبير علي ارتفاع اسعار اكثر من 1500 دواء مختلف في السوق المصري ومفيش شركة تقدر ترفع تسعيرة دواء ما الا بعد الرجوع لهيئة الدواء المصرية لاقرار السعر الجديد .

طيب اية اللي عملته الدولي علي تقلل فاتورة مصر الاستيرادية من الأدوية؟.

الدكتور جورج عطا الله، عضو مجلس نقابة الصيادلة، قال إن صناعة الدواء والأمن الدوائي واحدة من اساسيات قيام الدولة المصرية، ويسمى بالأمن الدوائي القومي، ولولا وجود منظومة صحية قوية في الدولة المصرية وقت انتشار جائحة فيروس كورونا، مكناش قدرنا نتخطىها بأقل الخسائر وكان هيكون عندنا ازمة في صناعة الدواء كانت فاتورة مصر الاستيرادية هتكون مرتفعة جدا لإنقاذ المواطنين من شبح الموت بفيروس كورونا.

عضو مجلس الصيادلة، كمل كلامه وقال أن عندنا صناعة محلية مميزة في الدواء، وبنغطي 94% من احتياجات البلد من الأدوية ودي أعلى نسبة على مستوى العالم، وأن المبادرات  اللي اطلقتها الدولة زي حملات القضاء على فيروس سى و 100 مليون صحة كان ليهم عامل السحر في تقليل فاتورة مصر من الادوية والتصدير حاليا للخارج، بالاضافة الي جهود الدولة لتطويرظ شركات قطاع الأعمال المملوكة للدولة، وإنشاء مدينة الدواء المصرية اللي انتجت مجموعة كبيرة من الأدوية اللي بيحتاجها المرضي.